Panta mynd Notkunarskilmálar

Ábreiða, alm. og, óþ. notk.

1811

Varðveitt hjá

Þjóðminjasafn Íslands

Úr aðfangabók: Ábreiða, útsaumuð öll með fljettusaumi af ömmu gefanda, Ólöfu Jónsdóttur, konu Erlendar Árnasonar í Hellisfirði (bróður Ingunnar skyggnu, sem átti Odd, bróður Ólafar). Eru upphafsstafir þeirra hjóna, OID og EAS, saumaðir í einn reitinn, neðst, og ártalið 1811 hjá: þá mun ábreiðan hafa verið saumuð. -Ólöf Jónsdóttir var móðir Guðrúnar Erlendsdóttur, móður gefanda (en hún, Ólöf Bjarnadóttir, er nú 96 ára að aldri: er ekkja Pjeturs Sveinssonar í Vestdal á Seyðisfirði: -sonur Sveins alþm. í Vestdal: þau Ólöf Jónsdóttir og Oddur, á Skeggjastöðum, voru komin af Rafni lögmanni). - Ábreiðan er 159 x 121 cm. að stærð. Hún er með átthyrndum reitum: eru 2 raðir af (nær) heilum átthyrningum í miðju, upp og ofan, og 1 hvoru megin af (nær) hálfum átthyrningum yzt: eru í þeim fuglar, kynjadýr, trje, mestmegnis gamlar myndir, úr eldri ábreiðum og reflum: er grunnliturinn gulur (eða ljós) í þessum átthyrndu reitum, en átthyrningarnir sjálfir um þá eru dökkbláir, og sömul. greinar á milli þeirra, en grunnurinn undir þeim er rauður. Efst er bekkur með 2 leturlínum dökkbláum stöfum á gulum grunni, með rauðum lit innan -í þó, og stendur þar: vertu ifir og altumkring medeili/(f)ri geimslu þinnisitieguds eingl. - Stendur hjer geimslu fyrir blessun. - Framhaldið er (svo sem kunnugt er): ar saman í kring- sænginni yfir minni. - Ábreiðan er vel gerð, áþekk hinum gömlu fljettusaumsábreiðum safnsins, en heldur lausari og með gildara bandi. - Hún var á Landssýningunni þ.á. í Reykjavík, og gaf gef. hana safninu, er það falaði hana til kaups. - Hún hefir nýlega verið földuð eða brydd allt um kring með dökkbláu efni til varnar jöðrunum. - Sbr. e.fr. nr. 11057. Úr Íslenskur útsaumur: (Elsa E. Guðjónsson) Í bók Elsu segir að ábreiðan sé saumuð með gamla krosssaumnum og fáeinum sporum af pellsaumi, með ullarbandi í togtvist. (Sett inn af Sigrúnu Blöndal, 1.11.2010)