Blekbyttustæði
1800 - 1850
Varðveitt hjá
Þjóðminjasafn Íslands
Blekbyttuhús
skorið út í líki gamallar kerlingar. Kerlingin er síðklædd með svarta svuntu
og herðaslá, svarta húfu og er hnýtt með slaufu undir kverk. Hún hefur
staf í hendi sem er laus pinni. Höfuðið má taka af herðunum en neðan á
því er stimpill. Blekbyttan hefur verið kringlótt og falin undir pilsum
kerlingar. Kerlingin er fagurlega útskorin með skarpa andlitsdrætti og
stingandi augnaráð, augun eru svört.
Úr aðfangabók: Gripurinn var gefinn
forsetahjónunum Ásgeiri og Dóru af danskri konu, J.K.Gertner, sem bjó í
íbúð Jóns Sigurðssonar er þau voru í opinberri heimsókn í Danmörku 1954.
Forfaðir hennar var vinur Bertels Thorvaldsens og hafði fengið þetta blekbyttuhús
að gjöf frá honum. Með fylgir ljósmynd af því er forsetahjónin þágu gripinn.
Upplýsingar um nafn konunnar J.K.Gertner er komið frá Gunnari Björnssyni
ræðismanni.
Blekbyttuhúsið hvílir í bleiksilkifóðruðum
bláum kassa sem er lokað með spennu.
Samkvæmt bréfi frá Þórhalli Ásgeirssyni
dagsettu 27.03.1973 sem er geymt í bréfasafni Þjóðminjasafnsins þá hefur
Bertel Thorvaldsen skorið kerlinguna út þegar hann var í læri hjá föður
sínum Gottskálki Thorvaldssyni.
Úr dánarbúi Ásgeirs Ásgeirssonar
forseta.
Aðrar upplýsingar
Ártal
1800 - 1850
Efni
Safnnúmer
Safnnúmer B: 1973-66
Stærð
22 x 9 x 0 cm
Lengd: 22 Breidd: 9 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Blekbyttustæði