Til baka í leit
Veistu meira?

Hlutabréf

1972
Varðveitt hjá
Þjóðminjasafn Íslands
Hlutabréf í Eimskipafjelagi Íslands, sem stofnað var 17. janúar árið 1914. Bréfið, sem er í C-flokki, er að andvirði 1000 kr. Ekki kemur fram hvenær bréfið er gefið út en því fylgja arðmiðar frá árunum 1972 til 1988. Enginn miði hefur verið notaður. Það er Prentsmiðjan Leiftur sem hefur séð um að prenta bréfið, eins og fram kemur á bakhlið þess. Hlutabréfið var í eigu Jóhanns Bjarnasonar, kaupmanns í Búðardal, síðar búsettur að Nökkvavogi 48 í Reykjavík, en hann var afi gefanda. Grunnlitur framhliðar bréfsins er ljósgulur og sami litur er á arðmiðunum. Á þeim stendur: C-flokkur Nr: 307196 1000 kr. H.F. EIMSKIPAFÉLAG ÍSLANDS REYKJAVÍK greiðir gegn afhending þessa arðmiða eins árs arð af hlutabréfinu, eins og hann verður ákveðinn fyrir árið 19[..]. Einar B. Guðmundsson formaður. Á bakhlið bréfsins er prentaður útdráttur úr lögum félagsins. Á framhlið hlutabréfsins stendur: C-flokkur Nr. 307196 1.000 kr. HLUTAFJELAGID EIMSKIPAFJELAG ÍSLANDS. Jóhann Bjarnason, Nökkvavogi 48, Reykjavík, EÐA SÁ, SEM SÍÐAR ÖÐLAST Á LÖGLEGAN HÁTT EIGNARRJETT AÐ HLUTA- BRJEFI ÞESSU, ER EIGANDI AÐ EITT ÞÚSUND KRÓNUM Í HLUTAFJELAGINU EIMSKIPAFJELAG ÍSLANDS MEÐ ÖLLUM RJETTINDUM FJELAGSMANNA OG HÁÐUR ÞEIM SKYLDUM, SEM LÖG FJELAGSINS ÁKVEÐA STJÓRN H.F. EIMSKIPAFJELAGS ÍSLANDS Einar B. Guðmundsson formaður Birgir Kjaran Pétur Sigurðsson Thor R. Thors Halldór H. Jónsson Ingvar Vilhjálmsson Hallgr. Sigurðsson Grettir Eggertsson Gefandi er Freyja Hlíðkvist Ómarsdóttir, starfsmaður Þjóðminjasafnsins.

Aðrar upplýsingar

Ártal
1972
Efni
Safnnúmer
Safnnúmer B: 2007-34-8
Stærð
30.6 x 21.6 x 0 cm Lengd: 30.6 Breidd: 21.6 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Hlutabréf