Til baka í leit
Veistu meira?

Handrit, óþ. hlutv.

1400 - 1500
Varðveitt hjá
Þjóðminjasafn Íslands
Skinnblað, hálft blað úr katólskum grallara (graduale) í stóru broti: br. 27,5 og er heil, en l. (hæð) 16,5 og er þetta neðri hluti blaðsins. Á hvorri síðu sjást aðeins 5 línur og noturnar ofanvið. Mjög er líkt verk á þessu og á blaðinu nr. 4126, svo að úr sama handriti virðist vera : það er heilt og eru 13 línur á hvorri síðu. Nr. 30, 716 og 3411 sýnast einnig vera úr sömu bók. Sennilega er þetta blað neðri hlutinn af frensta blaði þessarar bókar eða af þessu graduale, því að á því er endirinn á offertorium og svo communio á 1. sunnudegi í aðventu ( 1. sd. í kirkjuárinu). Á fremri síðunni er því introitus allur á 2. sd. í aðventu, en aptari síðunni er endirinn á offertorium og svo communio sama dags, og loks byrjunin á introitus á 3. sd. í aðventu, endar á „petiti“ . Skriptin er mjög falleg og hreinleg, fremur stór og einkum mjög feit. Fyrirsagnir eru rauðar, og nótustrengirnir. Upphafsstafurinn P í introitus á 2. sd. í aðv. er mjög stór, nær á móts við 3 línur, grænn og með rauðu greinaskrauti í rómönskum stíl, en G , upphafsstafurinn á introitus á 3. sd. í aðv., er rauður og virðist hafa verið með gulu greinaskrauti. Blaðið er vart yngra er frá 15. öld og eptir myndunum að dæma, sem eru á nr. 3411 og 4126 ( er álíta má að sjeu úr þessari sömu bók ), eru þessi blöð öll frá 15. öld: jafnvel eldri. Í viðaukum, accessoria, Árna-safns Magnússonar, 6 (?) mun vera allmikið af gamalli messubók frá Skarði á Skarðsströnd, og hvað vera mjög líkt handbragð á því, en sú bók að öllum líkindum eptir Jón Þorláksson, hinn alkunna skrifara, á Hóli í Bolungarvík og á Skarði. Sjera Jón Egilsson segir í byskupa-annálum sínum (safn I, bls. 57, sbr. og Småstykker 6 (bls. 127-30), að Gísli byskup Jónsson hafi talið Jón hafa skrifað flestar messubækur á Vestfjörðum. En þar eð þetta mál er enn lítið rannsakað verður að svo stöddu ekkert fullyrt um þetta, hvort þessi blöð eru eptir Jón og hvort þau eru úr bók frá Skarði. Líklegt er, að Jón hafi gjört fleiri messubækur með líku móti. Bogi kaupmaður Sigurðsson í Búðardal sendi blað þetta til Þjóðskjalasafnsins.

Aðrar upplýsingar

Ártal
1400 - 1500
Efni
Safnnúmer
Safnnúmer A: 8276 Safnnúmer B: 1921-40
Stærð
27.5 x 0 x 0 cm Lengd: 27.5 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti