Skápur
Varðveitt hjá
Þjóðminjasafn Íslands
Skápur úr furu, málaður svartur, að mestu leyti, að utan: L. 94,5 cm., br. 61, d. 24,5. Hatturinn stærri og með rauðum lit mest. Hann er með 2 hurðum, sem falla saman á miðju. Ofan þar, í milli þeirra og hattsins, eru fest á framhliðina efst 7 útskorin, rauð, lauf. Hvor hurð er með 3 spjöldum eða reitum að utanverðu og eru strikin á umgerðunum rauð. Á hverjum reit er stórt blóm í blómkeri: þau eru með gagnskornu verki og máluð ýmsum litum: Sýnilega alt eptir sama smið og kistlarnir nr. 867, 901 og 1859: er sams konar verk á þessu öllu frábrugðið öðru í safninu. Innanvið hurðirnar eru 4 hólf og 20 skúffur í skápnum: eru 2 stór hólf efst og aftur 2 eins neðst, en 2 og 2 skúffur saman í 5 röðum hvoru megin. Hólfhurðirnar og skúffugaflarnir eru með bleikrauðum og bláum strikum, og látúnslauf í miðju til að taka í. Hefur verið fremur gott smíði á þessu öllu, og útskurðurinn mjög snotur. Sig. Guðmundsson fullyrðir, að nr. 901 sje eptir Hallgrím Jónsson, föður Þorláks í Skriðu, sjera Gunnars í Laufási, Jóns málara og þeirra annara mörgu systkina. Hann var fæddur 2. des. 1717, gekk í Hólaskóla 1731, kvæntist 3. nóv. 1737 og fór að búa á Naustum, þar sem faðir hans bjó. Hann þótti gáfumaður og smiður var hann mikill. Hjer eru margir aðrið útskornir munir í safninu eptir hann með annari gerð en þessi skápur og kistlar ( 2605, 2757, 3613, 5213, 5719, 6509, 7292, og má ske 606 ?), flezt er það með erlendum blæ og ber vitni um útlend áhrif: Hallgrímur var kallaður bíldhöggvari ( þ.e. bildhauer) Hann dó 30. sept. 1785. - Skápurinn var endurbættur nokkuð er hann var kominn til safnsins, m. a. gerður útskurður í efsta reit á hægri hurð eptir þeim efsta á hinni. Skápnum er læst, en lykill týndur. - Eggert Ísdal kom með upphaflega skrautið á hægri hurðina efst 25/8 80, hafði fundið það í dóti föður síns Ingvars Ísdals. Setti það á 28/8 og fékk í staðinn það sem Matthías hafði látið gera. Kvað hann föður sinn hafa fengið að halda eftir þessu skrauti er skápurinn var látinn til safnsins (líklegast hefur Ingvar Ísdal gert við skápinn ). Þ.M.
Aðrar upplýsingar
Efni
Safnnúmer
Safnnúmer A: 9203
Safnnúmer B: 1926-61
Stærð
94.5 x 61 x 24.5 cm
Lengd: 94.5 Breidd: 61 Hæð: 24.5 cm
Aðfangategund
Undirskrár
Undirskrá: Munasafn
Efnisorð / Heiti
Heimildir
Mageröy, Ellen Marie: "Planteornamentikken i islandsk treskurd, Kaupmannahöfn 1967, I, 109 og áfram, II, 139.