Öxi, skráð e. hlutv.
1800 - 1830
Varðveitt hjá
Þjóðminjasafn Íslands
Úr aðfangabók:
Axarblað úr stáli af böðulsöxi þeirri er þau Friðrik Sigurðsson og Agnes Magnúsdóttir, morðingjar Natans Ketilssonar, voru hálshöggvin með 12. jan. 1830 í Vatnsdalshólum af Guðmundi Ketilssyni. Blaðið er 44 cm. að lengd fyrir egg, virðist hafa verið ½ cm. lengra, og 27 cm. að breidd með auganu. Eggin hefur verið mjög bein, er nú stórskörðótt og blaðið alt gallað, þareð öxin hefur lent í húsbruna á Möðruvöllum í Hörgárdal [1)], þarsem hún var geymd meðan þar var amtmannssetur og síðan unz Stefán skólameistari Stefánsson flutti hana með sér til Akureyrar til þess að koma henni til safnsins. - Höggstokkur sá er notaður var við sama tækifæri og öxi þessi, er áður kominn til safnsins, nr. 5411.
[1) Þrisvar: Í kirkjunni 1865, Friðriks - gáfu 1874, og skólanum 1902.]
Úr Gersemar og þarfaþing: (Texti eftir Árna Björnsson)
„Aftakan var innt af hendi með böðulsöxi nýrri sem til þess var fengin frá Kaupmannahöfn. Hún kom til hafnar á Skagaströnd og kostaði 25 ríkisbankadali. ... Blaðið af henni er er nr. 6320 í safninu og kom þangað árið 1912. Eggin hefur verið mjög bein, en er nú stórskörðótt og blaðið allt gallað en skaftið brunnið, enda lenti öxin þrisvar í húsbruna á Möðruvöllum, í kirkjunni 1865, Friðriksgáfu 1874 og skólanum 1902.
(Sett inn af Sigrúnu Blöndal, 24.8.2010)
Aðrar upplýsingar
Gefandi: Stefán Jóhann Stefánsson
Ártal
1800 - 1830
Efni
Safnnúmer
Safnnúmer A: 6320
Safnnúmer B: 1912-101
Stærð
44 x 27 cm
Lengd: 44 Breidd: 27 cm
Staður
Staður: Vatnsdalshólar, 541-Blönduósi, Húnabyggð
Aðfangategund
Undirskrár
Undirskrá: Munasafn
Efnisorð / Heiti
Efnisorð: Öxi, skráð e. hlutv.
Heimildir
Árni Björnsson. „Höggstokkur og öxi.“ Gersemar og þarfaþing. Reykjavík 1994, bls. 100 - 101.
Brynjúlfur Jónsson. Saga Natans Ketilssonar. Reykjavík 1912, bls. 120-124.
Guðlaugur Guðmundsson. Enginn má undan líta. Reykjavík 1974, bls. 118-150.
Upprunastaður
65°29'27.7"N 20°21'46.2"W