Panta mynd Notkunarskilmálar

Belti

1840

Varðveitt hjá

Þjóðminjasafn Íslands

Úr aðfangabók: Belti (sprotabelti), úr silfri, gylt: Það er alt með kornsettu víravirki og vel gert. Hringjan er ekki stór, með sterkri umgerð og þar innan í sléttir bugar, en öll bil milli buganna eru full af lykkjum af víravirki og silfurþynna undir: þornið er þrefalt: hringjan og þornið leika á þolinmóð í stokknum: stokkarnir eru allir með samskonar víravirki, tveir aðalbogar sléttir í hverjum og fyllt upp með víravirki í sterkri umgerð og þynna undir: þeir eru tvenns konar, 10 langir, 5 jafnhliða: sprotinn sjálfur er með samskonar gerð sem löngu stokkarnir og þó töluvert lengri, kollóttar fyrir endann og typpi niður úr með skrúfugang að ofan, stétt að neðan. Undir beltinu er lindi úr svörtu flaueli. Belti þetta er smíðað um 1840 og er liklega sptir Guðmund Stefánsson að Varmalæk. Sbr. belti frá 29/12 37. Silfur í Þjóðminjasafni: Skv. því sem kemur fram í bókinni er beltið örugglega eftir Guðmund Stefánsson (1824-1879). (Sett inn af Sigrúnu Blöndal, 19.11.2010)