Minningartafla, í kirkju

1786 - 1800

Varðveitt hjá

Sigmar Þormar, Skriðu(klaustri) ( sendi): Minningartafla yfir sr. Hjörleifi Þórðarsyni, öll smíðuð úr furu, rammbyggileg mjög með 2 þverslám skrúfuðum á að aftan. Áletrunarspjaldið sjálft er 69 x 144 cm að stærð, sett saman úr 3 fjölum. Það er fellt inn í umgerð, sem er 11 cm breið til hliðanna, 21 cm ofan við og 24 cm neðan við spjaldið. Ytri og innri brúnir umgerðarinnar eru strikaðar, og þar að auki eru á þær festir listar, einfaldur, mjór listi á þær innri, næst spjaldinu, en stór og efnismikill, nærri sívalur listi á þær ytri. Ofan við spjaldið er límt fínlegt. tvíhverft blaðaskrautverk, skorið út í tré. Vantar nú lítið eitt á það til hægri, og sams konar skrautverk, sem verið hefur neðan við spjaldið, vantar alveg. Bæði spjald og umgerð hafa verið borin undirhvíti og málað þar á ofan með gulleitum lit, en gylling hefur verið á listum öllum og útskurði. Hún er nú af að mestu. Á spjaldinu er mikil áletrun, rituð með svörtu skrifletri. Eru fyrst æviatriði prestsins, rituð þvert yfir spjaldið, en á eftir mæli í bundnu máli, rituð í 2 dálkum með striki á milli, á latínu til vinstri en íslenzku til hægri. Hefur prestur sett sér þessi eftirmæli sjálfur. Áletrunin er svohljóðandi: Hjörleifur Þórðarson / fæddur 1695 þann 21ta apríl, vygðist til Prests til Þvot = tár 1717: féck Hallormstad 1735, Walþjófstað 1743: Varð Prófastur í Norður=Múla Sýslu 1747: deyði 1786 þann 26 ta Mars. Hocle Epitaphium sibi paule ante mortenn posuit: (Hér er strik undir). 1. Dálkur: Fluxlibus innumeris adversæ / sortisin orbe / tandem. transmissis, jam b.... / tutus ago / Nanq( svo ) anima in requie vivit mea / sangvine Christi / Mundata ad corpus vile re= / condit humus: Quod tamen illa die reddet prae = stantius olim / Spiritus et repetet membra / relicta prius. Deinde meis oculis te conspectu= / rus habebo / O I E S U! merito gaudia / firma tuo! ( Hér undir eru nokkrir pensildrættir til uppfyllingar). 2. dálkur: Mótgangs bylgjan mér ófær mörg þó undirriði Yfirkomin allar þær eg nú hvíli í Fridi. Sálin lifir frjáls og frí fáguð Christi Blóði Himna föðurs höndum í harma leyst úr flóði. Jörðin andað hefur hold bein er hvaddi óblíðann. Sem þó rísa mun úr mold, miklu fegra á Síðann. Sín þá aptur sækir bein sálin Guðs að Vilia Velforkláruð hrast og hrein hvaðan aldrej skilja O! min JESU upp frá því eg mun lof þér gjalda, Og sjá þig glaður sannri í Sælu um Aldir Alda. Strik er neðan við áletrunina. Allt er verkið á töflunni gott og líklega danskt. Mun upphaflega hafa hangið í kirkjunni á Valþjófsstað. ( Ath. Guðmundur Þorsteinsson dyttaði að töflunni 1956, endurbætti m.a. skurðverkið).