Stundaklukka

Varðveitt hjá

Stundaklukka, stór, gangverkið er að mestu leyti úr látúni, mjög vandað verk, sams konar sem á hinum gömlu klukkum frá Borgundarhólmi 1): skífan er úr járni og þar utan á festur hringur úr tini og þar á tölur til að tákna klukkutíma og mínútur: þar fyrir innan hefir skífan verið hvít að lit 2): hengillinn er úr járni 3), en lóðin, sem eru tvö, úr blýi. Utan um svo vandað verk, sem er á þessari klukku, hefir eflaust upphaflega 4) verið vandaður kassi, sem staðið hefir á gólfi, með hurðum fyrir: slíkir kassar voru stundum mannhæð eða meira að hæð og stundum með töluverðu skurðverki á listum og brúnum, venjulegast grænir eða rauðir að lit eða hvorttveggja. Þessi klukka er sögð vera úr eigu Skúla landfógeta Magnússonar. 5) Sjerstakur hringur hefur verið fyrir sekúnduvísir, en hann og vísirinn vantar. -Hengilinn fann jeg uppi á Alþingis-háalopti 1908, hafði orðið eptir við flutn. þaðan. Björn mun hafa fengið þessa klukku eftir sjera Stefán Þorvaldsson í Stafholti, sem átti hana lengi. Björn var tengdasonur hans, og sjera Stefán dó hjá honum, 20. okt. 1888. 1) Verkið er ef til vill smíðað á Borgundarhólmi: það er í sanninn að mestu leyti úr járni, alls ekki vandað, fremur klúrt smíðað. *) 2) Skífan hefur á seinni tímum verið máluð fyrir innan og utan hringinn með hvítum olíufarfa, en í fyrstu hefur hún verið máluð með einskonar dökkbláum, mjög hrjúfum (sands tröet) og gljálausum lit, og undir-málning rauð (inst hvítleit) máske menja, og sá rauði litur hefur og verið borin aptan á skífuna. 3) Skífan (kringlan) á honum er úr blýi, klædd messingarþynnu að framan. 4) Klukkan er víst gefin kassalaus. 5) Skúli líklega dáinn áður en klukkan kom upp (til Íslands), aptan á hringnum á skífunni er letrað: Nicolay Schröder /1805/ Reugio I.des 1911 ljet jeg gera kassa um klukkuna og (í jan-apríl 1912) og hreinsa hana og setja í lag. (31.XII.1911. Matth. Þórðars) *) Verkið er nú mjög endurbætt, nýjar skrúfur gerðar, sekunduvísir og skífa gerð, skífan máluð upp o.s.frv. -Verkið virðist ekki smíðað af úrsmið, heldur einhverjum fúskara, alt sorfið en ekki rent. t.d. -Ef til vill íslenskt? 9.IV. 1912 Matth. Þórðarson.

Aðrar upplýsingar

Skúli Magnússon, Notandi
Gefandi: Björn Einar Þorláksson

Efni

Ólífræn efni, Málmur, Látún
Ólífræn efni, Málmur, Járn

Safnnúmer

Safnnúmer A: 4041 Safnnúmer B: 1894-84

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Stundaklukka