Plakat, + hlutv.
2008
Varðveitt hjá
Þjóðminjasafn Íslands
Plakat / veggspjald úr hvítum pappír
en prentað á það með svörtu og rauðu. Það var hannað og prentað í tengslum
við mótmæli undanfarnar vikur í miðbæ Reykjavíkur í kjölfar bankahrunsins
og þróunar efnahagsmála í landinu. Plakatið var framleitt síðla árs 2008.
Mótmælin á því beinast gegn þáverandi ríkisstjórn Sjálfstæðisflokks og
Samfylkingar. Á því eru teiknaðar myndar af Geir H. Haarde forsætisráðherra
og formanni Sjálfstæðisflokks og Ingibjörgu Sólrúnu Gísladóttur utanríkisráðherra
og formanni Samfylkingar. Fyrir ofan og neðan þær myndir eru slagorðin:
„ DRULLIÐ YKKUR ÚR HÚSUM ÍSLENSKU ÞJÓÐARINNAR ÞIÐ NJÓTIÐ EKKI TRAUSTS!“.
Yfir andlit Geirs og Ingibjargar stendur svo rauðum stöfum: „SKAMM SKAMM“.
Út frá þeim stöfum eru rauðar slettur og blettir og gæti þetta átt að líta
út sem hefði það verið skrifað með blóði, og vísa þannig í að þjóðinni
blæði á þessum tímum.
Gefandi, Baldvin Karel Magnússon
(f. 1985), Garðhúsum á Eyrarbakka, fékk plakatið í jólagjöf frá frænku
sinni, Solveigu Pálsdóttur (f. 1985), jólin 2008. Hún er nemi í Listaháskóla
Íslands og hannaði plakatið. Hún bar sjálf samskonar plakat við mótmælin
en þetta tiltekna eintak er ónotað. Neðst á það er undirskrift og raðnúmer:
„Mkonan 9/19“. Inga Lára Baldvinsdóttir, fagstjóri Ljósmyndasafns Íslands
og móðir Baldvins, afhenti plakatið fyrir hans hönd.
Aðrar upplýsingar
Ártal
2008
Efni
Safnnúmer
Safnnúmer B: 2009-7
Stærð
64 x 45 x 0 cm
Lengd: 64 Breidd: 45 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti