Trafakefli

Varðveitt hjá

Tvö samstæð brot af trafarkefli, útskornu og áletruðu. Eru brotin úr furu. Þetta er annar endi efra keflis. Handfang er horfið, en nokkuð er eftir af hinum upphækkaða endakafla. Lengd annars brotsins er um 26 sm, hins, minna, liðlega ellefu og hálfur sm, br. til samans 9 sm, þ. líkl. tveir og hálfur sm, en hæð endakafla tæpir 6 sm. Efra borð milli enda hluta hefur greinzt í tvo reiti langsendis, er hallar upp að sléttri ræmu. Er lítið eftir af öðrum þeirra, en hann hefur verið með útskornu skrauti, af hinum er eftir vel langur bútur, hér línuendi af áletrun. Skorið er eins konar höfðaletur, upphleyptur skurður, tvö bönd eru þrædd um stafina eftir endilöngu. Allt er mjög fúið og víða eyður, svo að torvelt er að lesa, en stafagerð er falleg. Á brúninni neðanundir er hluti af annari áletrun, hún með einföldu höfðaletri og virðist mega lesa hér: kraga og lynd so. Síðasti stafur er rúnin (ekki hægt að tölvuskrifa), þ.e. 0. Mjög vel skorið. Á báðum hliðum endakaflans er útskorið vafteinungaskraut. Fannst í hlöðu í Flatatungu. Vegna áletrunarinnar sjá m.a.: Þjms. 26, 255, 446, 1695, 1982, 2438, 2448, 2794, o.fl.

Aðrar upplýsingar

Gefandi: Oddur Einarsson

Efni

Lífræn efni, Viður, Fura

Safnnúmer

Safnnúmer A: 15310 Safnnúmer B: 1953-42

Staður

Staður: Flatatunga, 561-Varmahlíð, Skagafjörður

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Trafakefli

Upprunastaður

65°25'2.2"N 19°9'28.4"W