Stakkpeysa

1900 - 1910

Varðveitt hjá

Stakkpeysa hluti af peysufötum. Svört stutt peysa með löngum ermum. Framan á ermum er 10 cm breiður flaueliskantur með bogadregnu sniði. 3,5 cm breiður flaueliskantur er á báðum boðungum. Peysunni hefur verið krækt saman að framan með krækjum en hneppt við pilsið að aftan. Á peysunni neðanverðri að aftan er mjótt, smá-og þéttfellt stykki nefnt stakkur og er peysan stundum nefnd stakkpeysa eftir því. Peysan er heldur illa farin. Þórður Tómasson safnvörður Skógum hirti hana úr fatakistu þann 11.september 1981. Peysan er talin vera frá aldamótunum 1900 og ekki yngri en frá 1910.