Minnisblokk
Varðveitt hjá
Þjóðminjasafn Íslands
Fjórar litlar minnisblokkir með
gormum, ein forsíðu með mynd af fossinum Dynjanda, önnur með gulri forsíðu,
þriðja með mynd af rauðri rós og sú fjórða með mynd frá Akureyri og af
sólarlagi. Í blokkirnar hafa gefandi, Kristín Jónsdóttir frá Snæfellsnesi,
og maður hennar, Helgi Thorberg Kristjánsson, skrifað upplýsingar um muni
eftir Jóhannes Helgason skurðlistamann frá Hellnum á Snæfellsnesi. Þau
Kristín og Helgi voru systkinabörn og að auki systkinabörn Jóhannesar Helgasonar.
Í minnisblokkina með rósinni á er auk þess skrifuð uppskrift að sjónvarpssokkum.
Gripirnir nr. 2010-29-5 til 10
komu til safnsins 29.6.1998 en áttu ekki að skrást inn í safnið fyrr en
fleiri gripir kæmu úr búi Petrínu Kristínar Jónsdóttur eftir hennar
dag. Dóttir hennar, Kristín Helgadóttir, kom svo með fleiri gripi úr hennar
búi (Þjms. 2010-29-1 til 4) þann 31.5.2010 og þá var ákveðið að skrá alla
gripina saman á eitt númer, þ.e. 2010-29.
Gripunum fylgdi fjöldi upplýsinga,
prentaðra og skrifaðra, sem varðveittar eru í möppu: Fylgiskjöl aðfangabókar.
Þetta eru eftirfarandi gögn:
Æviágrip Guðbjargar Helgadóttur
frá Gíslabæ á Hellnum (f. 21.11.1885).
Ljósrit af minningargreinum um
Kristínu Jónsdóttur (Petrínu Kristínu Jónsdóttur).
Ritgerð um Jóhannes Helgason frá
Hellnum, eftir Hildi Margrétardóttur.
Ljósrit af grein úr Lesbók Morgunblaðsins,
2. september 2000, um Jóhannes Helgason frá Gíslabæ á Hellnum.
Ljósmyndir af gripum eftir Jóhannes
Helgason frá Gíslabæ á Hellnum.
Gjafabréf til Hellnakirkju varðandi
útskorinn ramma eftir Jóhannes Helgason um altaristöflu í kirkjunni.
Úrklippur úr dagblöðum um útskorna
rammann um altaristöfluna í Hellnakirkju.
Ljósrit af uppskrift af ljóði (grafskrift)
um Jóhannes Helgason skurðlistamann frá Gíslabæ á Hellnum.
Ljóðið Förukarlinn eftir Davíð
Stefánsson, handskrifað á tvö blöð.
Ljósmynd af Baðstofugafli síðasta
Malarrifsbæjarins.
Ljósrit af skjalaskrám Borgarskjalasafns
Reykjavíkur, úr skjalasafni Kristínar Helgadóttur þar, um hana sjálfa,
um móður hennar, og um Guðmund Kristjánsson.
Gjafabréf til Þjóðminjasafnsins
sem fylgdi gripunum sem bárust 1998 (Þjms. 2010-29-5 til 10).
Fleiri gögn.
Aðrar upplýsingar
Efni
Safnnúmer
Safnnúmer B: 2010-29-10
Staður
Staður: Malarrif, 356-Snæfellsbæ, Snæfellsbær
Aðfangategund
Undirskrár
Undirskrá: Munasafn
Efnisorð / Heiti
Efnisorð: Minnisblokk
Upprunastaður
64°43'44.4"N 23°48'4.5"W