Til baka í leit
Veistu meira?

Kista, úr kirkju

Varðveitt hjá
Þjóðminjasafn Íslands
Eikarkista, stór, niðurmjó, með kúptu loki á hjörum og skráarlæsingu. Lengd kistu þessarar er rúmlega 99 cm, breidd 55,3 cm, og að neðan 47 cm, hæð 61 cm, en þykkt fjala 2,9 cm mest, mælt við brún. Höfð er ein fjöl í hliðum öllum og botni, þrjár í loki, langsum, og nær lokið út yfir enda, en þar oki úr einni fjöl, geirnegling við hornin en lokfjölum og botnfjöl fest veð trétittum og járnnöglum. Botninn gengur út um skör allt umhverfis. Í kistu þessari er handraði, lokaður, upp við vinstri gafl efst, er hann smíðaður úr þremur fjölum, hlið og botn felld í veggi kistu en lokið látið snúast um samföst typpi sem ganga inn í holur, er hæð hér 13,5 cm, breidd 12,9 cm, og bilið að brúnunum ofan við 1,8 cm. Með tvennum hjörum úr járni, sem við eru langir sprotar, skrautlegir í sniði, skrá úr járni við miðja frambrún að innan og yfir henni ferhyrndur kassi, á lokbrúninni ofan við er áfella með tveimur hökum sem falla í raufar í skrá, og stórt lauf úr járni, lag skrautlegt, með bólum, er við skráargatið. Járnhalda er við miðju á göflum báðum megin, lengd 14,2 cm og 14,9 cm, en skrautsniðnir bútar með bólum eru hafðar þversum við hornin. Bæði á loki, göflum og framhlið að utan er málaður grænn grunnur, stuðull, brúnrauður, er málaður á hornin sem fram snúa, og hafðar bugður á, sinn helmingurinn á hvorri hlið, við efri horn kistunnar er málaður helmingur á gaflinn. Band með sama lit liggur niður miðja framhlið, stór blómsveigur með átta blómum er gerður sitt hvoru megin, og litir grænn, hvítur og rauður. Í blómsveignum til vinstri örlar fyrir áletrun. Brúnastrikun er neðan á okunum og framan á handraðaloki. Tveir lyklar á hring eru látnir fylgja. Járnið er allt ryðgað, málning hefur flagnað mjög og eyðst, sjá má sprungur og skrámur, og kistan er blettótt nokkuð. Úr eigu Hróðnýjar Einarsdóttur, frá Brún á Jökuldal, móður séra Einars. Ingibjörg Eyfells afhendir sem gjöf frá sér og systkinum sínum, börnum séra Einars Pálssonar.

Aðrar upplýsingar

Efni
Safnnúmer
Safnnúmer B: 1963-30
Stærð
99 x 55.3 x 61 cm Lengd: 99 Breidd: 55.3 Hæð: 61 cm
Aðfangategund
Undirskrár
Undirskrá: Munasafn
Efnisorð / Heiti