Stokkabelti
Varðveitt hjá
Þjóðminjasafn Íslands
Úr aðfangabók:
Stokkabelti úr gylltu silfri, og
af venjulegri gerð. Með þrettán stokkum, festum saman um hring hjá
hornum. Á því er skjaldlaga sylgja, er leikur á hjörum, brún að framan
ávöl, og við bakhlið krókur, sem gengur í op á hinum endanum. Fellt
er kornsett víravirkisskraut í stokkplöturnar að framan og framan á brún
sylgju hjá íbjúga endanum, en auk þess er þar við hjarir og í miðju eftirlíking
af sprota, föst. Fallegur gripur. Jóhanna Þorleifsdóttir frá
Hvammi, kona Hákonar Bjarnasonar kaupmanns á Bíldudal gaf belti þetta Valgerði
Steinsen, dóttur séra Steins Steinsen og föðursystur Steins bæjarstjóra.
Valgerður gaf það eða léði frú Önnu konu Steins bæjarstjóra, með
því skilyrði þó, að það færi að henni látinni á Þjóðminjasafnið. Frú
Anna lést á þessu ári, og afhendir nú maður hennar safninu beltið.
Aðrar upplýsingar
Efni
Safnnúmer
Safnnúmer B: 1965-356
Stærð
75.4 x 4.6 x 1.2 cm
Lengd: 75.4 Breidd: 4.6 Hæð: 1.2 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Stokkabelti
Heimildir
Þór Magnússon. Silfur
í Þjóðminjasafni. Reykjavík, 1996: 47.