Upphlutur

Varðveitt hjá

Upphlutur, saumaður úr svörtu klæði, baldýraður. Er hann 38,5 cm á sídd, víddin 40,5 cm, en víddin hjá streng 33 cm. Upphlutnum er krækt saman í miðju að framan og þar höfð stíma úr gylltum vír meðfram brún, nokkru utar er saumaður liðlega 5 cm breiður borði, lóðrétt frá barmi niður að streng, og er á báða baldýraður undinn blómstikill með gylltum vír, þar er og silkiþráður með rauðum lit, gulum, bláum, grænum og daufgrænum. Að aftan eru leggir og leggstúfar úr gulum og brúnleitum silkiknipplingum og stímur úr grænum silkiþræði utan með. Bryddað er við handvegi að utan og innan og jaðar á baki ofanverðu með grænni einskeftu, haft er í fóðri smáköflótt léreft, blátt, rautt og hvítt, og í streng er svartur lastingur. Sex litlir hringir eru á boðöngum sitt hvoru megin og tvenn krækjupör á endum strenga, tygill, 57 cm á lengd, úr vír, þöktum þræði, er bundinn í neðsta hringinn til hægri. Talsvert er upplutur þessi slitinn. Ingibjörg Eyfells afhendir sem gjöf frá sér og systkinum sínum, börnum séra Einars Pálssonar.

Aðrar upplýsingar

Gefandi: Ingibjörg Eyfells

Safnnúmer

Safnnúmer B: 1963-47

Stærð

38.5 x 0 x 0 cm Lengd: 38.5 Breidd: 0 Hæð: 0 cm

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Upphlutur