Einkennisbúningur, amtmanns, landshöfðingja
Varðveitt hjá
Þjóðminjasafn Íslands
Einkennisbúningur
slökkviliðsstjóra á Reykjavíkurflugvelli ásamt húfu. Búningurinn er jakki
og húfa. Jakkinn er úr dökkbláyrjóttu ullarefni. Hann er hnepptur með fjórum
gylltum tölum með skjaldarmerkinu á að framan. Fjórir vasar eru framan
á jakkanum, tveir brjóstvasar og tveir stærri vasar. Ein lítil gyllt tala
er á hverjum vasa og tvær gylltar tölur á ermum. Á miðju baki er klauf
upp í jakkann. Á jakkanum er ásaumað belti úr sama efni og jakkinn. Hann
er fóðraður og slitinn á ermum. Á vinstri öxl er 5 cm breiður spæll með
gylltum borða meðfram köntum, einni gylltri tölu og þremur gylltum fuglum
á flugi. Jakkanum fylgir derhúfa klædd sama efni og jakkinn með svörtu
plastderi. Húfan er 27 cm í þvermál. Á svörtu bandi ofan við derið er merki
með skjaldarmerkinu og grænu ásaumuðu skrauti sem myndar laufblöð.
Aðrar upplýsingar
Safnnúmer
Safnnúmer B: 1988-175
Stærð
95 x 52 x 0 cm
Lengd: 95 Breidd: 52 Hæð: 0 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Munasafn
Efnisorð / Heiti