Dúkur, óþ. notk.
1934
Varðveitt hjá
Þjóðminjasafn Íslands
Ísaumaður dúkur úr
hvítu bómullarlérefti. Hann er ferhyrndur, um 87 x 89 sm ummáls. Meðfram
dúkkuhliðum er saumaður bekkur, einfaldur að gerð, en í miðreitinn blóm,
það stjúpmæður, stilkstúfur með blöðum er við sum þeirra. Í blómatriðunum
er varpleggur og mislöng spor, en í bekk krókspor og flatsaumur. Þráður
er áróra garn (merciserað bómullargarn). Dúkur þessi er óslitinn og mjög
fallegur. Í bréfi gefanda, dags. 28.2.1953, segir: Þá ætla
ég að láta hér með dúk, sem móðir mín saumaði sumarið 1934, ef ykkur þætti
hann nokkurs virði fyrir safnið. Meðan móðir mín saumaði dúkinn, hafði
hún lifandi stjúpmæður í vasa á borðinu hjá sér, og var það fyrirmyndin
að blómunum. Ég dró blómin upp í dúkinn og fór að nokkru eftir teikningu,
er fósturdóttir mín Jóhanna Einarsdóttir hafði teiknað. - Verst þykir mér,
að efnið í dúknum er ekki gott. Vegna móður gefanda sjá nr. 15275
(einnig spjaldið um hana).
Aðrar upplýsingar
Ártal
1934
Safnnúmer
Safnnúmer A: 15280
Safnnúmer B: 1953-11
Stærð
87 x 89 x 0 cm
Lengd: 87 Breidd: 89 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Dúkur, óþ. notk.