Drykkjarhorn
1858
Varðveitt hjá
Þjóðminjasafn Íslands
Úr aðfangabók:
Drykkjarhorn, gert af nautkindarhorni [kýrhorni], sem er hvítt að neðan með svartan stikil: hefur því verið þrýst saman til að fá nokkurn veginn sléttar hliðar. Er neðri hlutinn allur þakinn blaða- og blómaskrauti, sem hefst upp af einni rót neðst framan á horninu. Á báðum hliðum er stafurinn K féttaður inn í skrautverkið. Ofan við það er skorið ártalið MDCCCLVIII (1858), en þar fyrir ofan er stikillinn sléttur. Tappinn er úr rauðleitum viði, með nær hnöttóttum hnúð. Hornið er mikið látúnsbúið. Botninn er allur sleginn látúni og kringum hornið neðst er 1,4 cm breið látúnsgjörð og grípur hún niður fyrir botninn allt um kring með laufaskurði. Sitt hvorum megin við ártalið er látúnshringur og 2,5 cm breið björg umhverfis stikilinn. Utan um hnúð tappans er enn einn látúnshringur. Oddur Oddsson gerði tappann að beiðni Þorsteins Konráðssonar. Frá sama. Hornið er skorið út af Oddi, föður Odds á Eyrarbakka, en stafirnir eru stafir Konráðs Konráðssonar, föður Þorsteins.
Guðvelkomnir, góðir vinir! Útskorin íslensk horn.
Brennivínshorn frá 1858
Hornið kom til Þjóðminjasafns 1936. Hæð 27 cm.
Be ye welcome, good my friends! Icelandic carved horns.
Liquor horn, 1858
The horn is carved with floral motifs, and the letter K on both sides. In a band farther up is the date MDCCCLVIII [1858]. The base and spout are brass, the stopper wooden. The horn was carved by farmer Oddur Eyjólfsson of Sámsstaðir, Fljótshlíð, south Iceland, and the brasswork was made by his son, silversmith Oddur Oddsson of Eyrarbakki, south Iceland. The horn came to the National Museum in 1936. Height 27 cm.
(Sett inn af Sigrúnu Blöndal, 6.4.2011)
Aðrar upplýsingar
Oddur Oddsson, Hlutinn gerði
Ártal
1858
Efni
Safnnúmer
Safnnúmer A: 11976
Safnnúmer B: 1936-78
Aðfangategund
Undirskrár
Undirskrá: Munasafn
Efnisorð / Heiti
Efnisorð: Drykkjarhorn
Heimildir
Guðvelkomnir , góðir vinir! Útskorin íslensk horn. Ritstjóri: Bryndís Sverrisdóttir. Rit Þjóðminjasafns Íslands 24. 2011.
Be ye welcome, good my friends! Icelandic carved horns. Editor Bryndís Sverrisdóttir. Rit Þjóðminjasafns Íslands 24. 2011.