Til baka í leit
Veistu meira?

Hlutabréf

1917
Varðveitt hjá
Þjóðminjasafn Íslands
Hlutabréf í Eimskipafjelagi Íslands, sem stofnað var 17. janúar árið 1914. Bréfið er útgefið 3. mars 1917 og er að andvirði 25 kr. Bréfið er prentað í Prentsmiðjunni Gutenberg árið 1917, eins og fram kemur í neðra horni, vinstra megin. Bréfið hefur verið ógilt, sbr. stimpil á bæði fram- og bakhlið þar sem fram kemur að í stað þessa hlutabréfs hafi Jöfnunarhlutabréf verið gefið út. Hlutabréfið var í eigu Bjarna Hallgrímssonar, bónda á Leiðólfsstöðum í Laxárdal í Dalasýslu. Síðar eignaðist Jóhann Bjarnason hlutabréfið (sbr. handskrifaða merkingu á bakhlið bréfsins) en hann var sonur Bjarna og jafnframt afi gefanda. Á bakhlið bréfsins er prentaður útdráttur úr lögum félagsins. Á framhlið hlutabréfsins stendur: A.nr. 9967 HLUTAFJELAGID EIMSKIPAFJELAG ÍSLANDS. 25 kr. A-FLOKKUR nr. 9967 25 kr. Bjarni Hallgrímsson Leiðólfsstöðum, Dalasýslu EÐA SÁ, SEM SÍÐAR ÖÐLAST Á LÖGLEGAN HÁTT EIGNARRJETT AÐ HLUTA- BRJEFI ÞESSU, ER EIGANDI AÐ TUTTUGU OG FIMM KRÓNUM Í HLUTAFJELAGINU EIMSKIPAFJELAG ÍSLANDS MEÐ ÖLLUM RJETTINDUM FJELAGSMANNA OG HÁÐUR ÞEIM SKYLDUM, ER LÖG FJELAGSINS ÁKVEÐA. REYKJAVÍK, 7. marts 1917. STJÓRN H/F EIMSKIPAFJELAGS ÍSLANDS Sveinn Björnsson formaður J. Friðgeirsson Jón Gunnarsson Eggert Claessen Halldór Daníelsson Ólafur Johnson Jón Þorláksson H. Kr. Þorsteinsson Gefandi er Freyja Hlíðkvist Ómarsdóttir, starfsmaður Þjóðminjasafnsins.

Aðrar upplýsingar

Ártal
1917
Efni
Safnnúmer
Safnnúmer B: 2007-34-6
Stærð
41.9 x 26 x 0 cm Lengd: 41.9 Breidd: 26 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Hlutabréf