Til baka í leit
Veistu meira?

Stokkur, óþ. hlutv.

1653
Varðveitt hjá
Þjóðminjasafn Íslands
Stokkur, loklaus, 26 sm. á lengd, 13 sm. á breidd og 12 sm. á dýpt: á hliðarnar og gaflana eru skornar snúrur að endilöngu: á hliðfjölunum sendur með illa skornu höfðaleturs og latínuletursblendingi: ÞORSTEIRN BERGSON A MIG EN EINGIN ANN[ar]: tvö síðustu orðin eru með böndum yfir um og því illlæsileg, enda óvíst að þau séu hér rétt lesin: þar undir stendur með latínuletri ANNO 1653.  Austan úr Skaptafellssýslu. Freyja Hlíðkvist Ómarsdóttir, nóvember 2010: Áletrun byrjar á þeirri hlið sem hefur verið bakhlið kistilsins / stokksins. Þar eru merki eftir festingar fyrir lamir. Áletrunin þar er í tveimur höfðaleturslínum, en heldur svo áfram á framhliðinni í einni höfðaleturslínu sem er með böndum. Ártalið stendur svo fyrir neðan með latínuletri. Ekki er alveg rétt lesið úr áletrun hér að ofan, en hún er eftirfarandi: ÞORSTEIRN B ERGSON A MIG EN EIGNANNAR ANNO 1653 [þ.e. Þorsteinn Bergsson á mig en enginn annar. Anno 1653]. Framan við ANNO gæti mögulega verið dagsetning [t.d. II A = 2. eða 11. apríl] það gæti þó allt eins verið krot. Kistillinn / stokkurinn er negldur saman með trénöglum. Lokið hefur glatast áður en stokkurinn kom til safnsins. Á einhverjum tíma hefur masonítplata verið negld fyrir opið að ofan (hér í safninu), óvíst í hvaða tilgangi, því stokkurinn er mjög stöðugur. Í nóvember 2010 fjarlægði Nathalie Jacqueminet forvörður plötuna.

Aðrar upplýsingar

Ártal
1653
Safnnúmer
Safnnúmer A: 4029 Safnnúmer B: 1894-72
Stærð
26 x 13 x 12 cm Lengd: 26 Breidd: 13 Hæð: 12 cm
Aðfangategund
Undirskrár
Undirskrá: Munasafn
Efnisorð / Heiti