Sólarsteinn

1700 - 1800

Varðveitt hjá

Brot af sólarsteini úr grágrýti, eitt hornið, og er sneytt af því. Laglega sljettað og grafið á framhlið: eru þar markaðir 2 sammiðja hringbútar með strikum á milli og hinn 3. innar og er 1 strik frá honum út að yzta boga: stendur þar 3 utan við. Fyrir utan hringabútana er letrað : FINCKEN SKAL STAA. Er þetta í 2 línum: 1. orðið í efri línunni . Út undan henni, við hringbútinn yzta, en 1 og hluti af öðrum staf. Óvíst hvað hjer er átt við með fuglsheitinu Finck(e). Geisli hringanna hefur verið 8,5, 12,3 og 14,4 cm. en fyrir utan yzta hring eru 7 og 7,5 cm. br. bil. Hefur steinninn því verið að minnsta kosti 35 cm. á hvorn veg. Þetta brot er um 17 og 19 að þverm., óreglulega tígulmyndað (tákn, sem er eins og þríhyrningur í laginu, AEG). Það fannst grunnt í jörðu á Bessastöðum, fyrir framan íbúðarhúsið þar. Hann hefur verið gerður hjer, en fyrir dani á Bessastöðum. Er sennilega frá 18. öldinni og kann að standa í sambandi við stjörnufræðis og veðurfræðis athuganir þeirra Eyjólfs Johnsoniusar og Rosmund Lievogs á Lambhúsum hjá Bessastöðum á síðasta fjórðungi 18. aldarinnar.