Lár, óþ. hlutv.
1700
Varðveitt hjá
Þjóðminjasafn Íslands
Lár, smíðaður úr furu að mestu leyti: að sumu leyti bæki og eik, stór og fallegur. L. 35,4, br. 23,5, h. 35. Hann er gerður með hinu gamla og rjetta láralagi, horn stuðlar 4 með rimum í milli efst og neðst, 4 spjöld í hliðum og 3 í göflum og útskornir stólpar í milli. Neðanvið neðri gaflrimar eru einnig útskornir listar, en neðri hliðarimar eru með strikum, sem munu þó ekki gerði(r) með hefli. Lík strik eru á spjöldum í lokinu og rimlum, og eru öll með fornlegum svip. Botninn stendur útundan hliðunum og er röndin útskorin. Burstirnar á lokinu, sem eru uppaf hliðunum, önnur úr bæk(i), hin úr eik, eru útskornar í röndina að ofan og útskurður er einnig framaná þeim, 3 kringlur á apturburstinni, ormur í miðkringlunni sex blaða blóm í hinum: en á hinni eru 5 hringar, sem ganga hver í annan og eru svo sem samtengdir með bondum(böndum), og milli þeirra höfðaleturs-stafirnir v e d a l, þ. e. V. E. dóttir á lárinn. Á milli miðra burstanna er svo sem kambur uppaf lokinu, útskorinn í röndina að ofan, hann er úr eik: beggja vegna við hann er svo sem þekja með broti eða brún á. Fyrir utan hana, en innanvið gaflana eru aðrir kambar, úr bæki með útsöguðum röndum að ofan og taka framendarnir 3 cm. framfyrir framburstina. Á efri rimunum milli stuðlanna eru skornar höfðaleturslínur og er sú áletrum þannig: i iesuundumf(?)adfafrid - fliodidrioda - semegkisvertusetta - hægrihlidherr, þ. e. þessi ferskeytla:
Í Jesú undum fáðu frið,
fljóðið rjóða, sem eg kýs:
vertu sett á hægri hlið
herr(ans Krists í Paradís (?) ).
fadfa á framhliðinni virðist helzt vera misskorið fyrir fáðu .,,undum" er ef til vill (misminnis-? ) villa fyrir mundum . Í stað krist í síðustu ljóðlínu hefur náske verið guðs , og þar kann einnig hafa verið herranum kristi (guði). - Lárinn er með ,,arkitektoniskum svip", eins og þeir eru fleiri, og gætu þeir verið til fyrirmyndar í húsbyggingarlist. Hann er að líkindum frá því um 1700.
Úr dánarbúin Mörtu Stephensen og ánafnað af henni.
Aðrar upplýsingar
Ártal
1700
Efni
Safnnúmer
Safnnúmer A: 8572
Safnnúmer B: 1922-119
Stærð
35.4 x 35 x 23.5 cm
Lengd: 35.4 Breidd: 35 Hæð: 23.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Lár, óþ. hlutv.
Heimildir
Kristján Eldjárn. "Lár." Hundrað ár í Þjóðminjasafni. Reykjavík 1962, 60. þáttur.