Trafakefli
1696
Varðveitt hjá
Þjóðminjasafn Íslands
Trafakefli: það er alt útskorið með letri 1696. Letrið, sem á því er, get eg að
sönnu alt lesið, en ekki fengið neina verulega meiningu eða samanhengi úr því,
en þó skal rita það, sem skrifað stendur. Ofan á keflinu er skorið með
höfðaletri: „Untu síðar.“ Ofan til utan á hliðunum stendur með
latínuletri báðu megin: „Sú. mikið og mart. mart og listing.“ Utan á
hliðunum stendur með höfðaletri beggja megin: „Sie þier, liúft að líða. Vís.
brióta gáðu. af. þ e.“ Annað get eg ekki fengið út úr þessu, nema þessar
sundurlausu hugsanir, og varla held eg eigi að lesast öðruvísi, því hér er
aðgreining á milli orðanna, en þó skal eg ekki fullyrða það.
Freyja Hlíðkvist Ómarsdóttir Sesseljudóttir, 2025:
Yfirkefli
Ártal 1696
Uppruni er óþekktur en keflið var gefið til safnsins árið 1871 og gefandi var úr Skagafirði.
Áletranir eru bæði með höfðaletri (lágstafir hér að neðan) og latínuletri (hástafir hér að neðan). Höfðaleturslínurnar eru í hliðum og á keflinu ofanverðu en latínuletrið er skorið í skáfleti fyrir ofan hliðarlínurnar:
sie / þier / liuft / ad / lida (h)
ART / OG / LISTING
(il) ls / briota / gagn / af / þe
SU / MIKID OG / MART / M
(u)ntu / sidar
Stafirnir sem eru inni í svigunum standa svolítið sér og eru flóknari en hinir og miklu stærri. Ég er ekki alveg viss um að ég hafi lesið þá rétt, og auk þess er ég ekki alveg hundrað prósent viss um að þeir séu þarna hluti af áletruninni. Mér sýnist samt svo vera.
Gæti verið einhvern veginn svo, þótt skrýtið sé (sér í lagi annað vísuorð sem virðist eitthvað brenglað):
Sé þér ljúft að líða hart
og listing ills brjóta
gagn af þessu mikið og margt
muntu síðar [njóta / hljóta]. (það vantar eitt orð aftast, sem ekki hefur komist fyrir, þ.e. njóta eða hljóta)
Ofan á fremra hald er skorið ártalið 1696.
Lengd 51,2 cm; Breidd 6,6 cm; Hæð 6 cm.
Viðartegund: barrviður: lerki eða greni.
Aðrar upplýsingar
Gefandi: Jóhannes Davíð Ólafsson
Ártal
1696
Efni
Safnnúmer
Safnnúmer A: 863
Safnnúmer B: 1871-37
Aðfangategund
Undirskrár
Undirskrá: Munasafn
Efnisorð / Heiti
Efnisorð: Trafakefli