Herðatré
1930 - 1950
Varðveitt hjá
Þjóðminjasafn Íslands
Blámálað herðatré úr Haraldarbúð
(Verslun Haraldar Árnasonar) sem starfrækt var um árabil í Austurstræti
22 í Reykjavík á fyrri hluta 20. aldar. Verslunin hætti rekstri um áramótin
1960/1961. Herðatréð er með merki verslunarinnar á annarri hliðinni: stöfunum
HÁ innan sporöskjulaga hrings. Merkið er í svörtum lit. Krókur úr járni
er skrúfaður ofan í tréð, eins og algengast er á herðatrjám. Á efri brún
herðatrésins er límdur borði úr rauðu filtefni til að gera herðatréð stamt.
Efnið er nú orðið nokkuð slitið. Brotnað hefur upp úr málningunni á nokkrum
stöðum en annars er herðatréð í góðu ástandi. Við afhendingu herðatrjánna
(nr. 2010-15-1 og 2) láðist starfsmanni safnsins að taka niður nafn gefanda
og upplýsingar um gripina. Gefandi, sem er kona, hafði áður hringt og boðið
safninu herðatrén að gjöf.*
Sjá einnig Þjms. 2010-15-2. Fleiri
herðatré úr versluninni eru til í Þjóðminjasafninu (Þjms. 1988-201, 1989-71,
2000-29).
*Þann 19.4.2010 kom gefandi með
ljósmynd af Haraldi Árnasyni og starfsfólki hans og gaf til Ljósmyndasafns
Íslands. Gefandi er Guðrún Kristín Magnúsdóttir, rithöfundur og hugverktaki,
Álfaheiði 8e í Kópavogi.
Aðrar upplýsingar
Ártal
1930 - 1950
Efni
Safnnúmer
Safnnúmer B: 2010-15-1
Stærð
40.7 x 0 x 0 cm
Lengd: 40.7 Breidd: 0 Hæð: 0 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Herðatré