Minningargrein, + starfsgrein
1914
Varðveitt hjá
Þjóðminjasafn Íslands
Minningarbréf um sr. Hallgrím Pétursson.
Minningarbréf um séra Hallgrím Pétursson, sálmaskáld, myndir og áletranir, gefið út í tilefni þrjú hundruð ára afmælis hans árið 1914. Er minningarbréf þetta prentað á hvíta pappírsörk, í ýmsum litum, eftir teikningu Samúels Eggertssonar, er í ramma úr furu, udnri gleri og í baki höfð krossviðarplata. L. 52,1 cm, br. 41,7 cm en þ. um 1,7 cm. Fjórar fjalir, felldar saman, í rammanum og br. þeirra 3,5 cm mest, dökkbrúnt lakk á að framan og á brúnum, minningarbréfið snýr langsum og lykkja úr kopar, þríhyrnd, fest við miðja efri brún að aftan. Í miðju er Hallgrímur Pétursson í prédikunarstól og myndin gerð eftir andlitsmynd þeirri sem er í eigu þjms., sitt hvorum megin eru ártöl, 1614 og 1914. Skrautlegar bogadyr eru umhverfis, er sjálfur boginn röð bóka og snýr kjölur fram, en bakgrunnar sýna hinar ýmsu útgáfur Passíusálmanna frá 1666 til 1907. Yfir bókaröðina er letrað nafn Hallgríms með upphafsstöfum. Ýmsar tilvitnanir í bundnu máli, festar úr Passíusálmum, eru letraðar undir bogann, á prédikunarstól og á undirstöður bogans.
Aðrar upplýsingar
Ártal
1914
Efni
Safnnúmer
Safnnúmer A: Á-282
Stærð
52.1 x 41.7 x 1.7 cm
Lengd: 52.1 Breidd: 41.7 Hæð: 1.7 cm
Sýningartexti
Minningarbréf í svartri umgerð um Hallgrím Pétursson sálmaskáld og prest, lengst í Saurbæ á Hvalfjarðarstönd, f. 1614, d. 1674, prentað árið 1914 í 300 ára minningu fæðingar skáldsins eftir teikningu Samúels Eggertssonar teiknara og skrautritara, d. 1949. Mynd Hallgríms er gerð eftir hinni þekktu mynd séra Hjalta Þorsteinssonar í Vatnsfirði. Er þó óvíst hversu mjög hún líkist skáldinu þar sem Hjalti var aðeins níu ára er Hallgrímur lést og óvíst að þeir hafi nokkru sinni sést, en Hjalti hefur sennilegast farið eftir lýsingum. Hallgrímur er sýndur í ræðustóli, yfir höfði hans er nafn hans í sveigborða, til hliðar eru meðal annars tilvitnanir í kvæði Matthíasar Jochumssonar um Hallgrím og í Passíusálmana. - Þessi mynd var mjög víða til fyrrum og var jafnvel sums staðar nánast eina híbýlaprýði fólks. Halldór Laxness kallar hana einhvers staðar í sögu "Spjaldagrím."
Á-282
Minningarbréf í svartri umgerð um Hallgrím Pétursson sálmaskáld og prest, lengst í Saurbæ á Hvalfjarðarstönd, f. 1614, d. 1674, prentað árið 1914 í 300 ára minningu fæðingar skáldsins eftir teikningu Samúels Eggertssonar teiknara og skrautritara, d. 1949. Mynd Hallgríms er gerð eftir hinni þekktu mynd séra Hjalta Þorsteinssonar í Vatnsfirði. Er þó óvíst hversu mjög hún líkist skáldinu þar sem Hjalti var aðeins níu ára er Hallgrímur lést og óvíst að þeir hafi nokkru sinni sést, en Hjalti hefur sennilegast farið eftir lýsingum. Hallgrímur er sýndur í ræðustóli, yfir höfði hans er nafn hans í sveigborða, til hliðar eru meðal annars tilvitnanir í kvæði Matthíasar Jochumssonar um Hallgrím og í Passíusálmana. - Þessi mynd var mjög víða til fyrrum og var jafnvel sums staðar nánast eina híbýlaprýði fólks.
Á-282
Aðfangategund
Undirskrár
Undirskrá: Ásbúðarsafn (Á)
Efnisorð / Heiti
Efnisorð: Minningargrein, + starfsgrein