Kajak
Varðveitt hjá
Þjóðminjasafn Íslands
Guðmundur Björnsson,
Landlæknir:
Grænlenskur selabátur
( Kaiak ) nýlegur, Kom hingað til Reykjavíkur frá Grænlandi á dönsku
kaupfari sumarið 1907. Fylgir ár og stakkur. Báturinn er gerður
úr nokkuð þykku selskinni á léttri grind úr furu, breiðastur um miðju þar
sem opið er, og mjókkar jafnt til endanna í hvöss stefni, hann er 5 m.
og 13 cm. að lengd, um 55 cm. að breidd um miðjuna og um 17 cm. að hæð.
Opið sem ræðarinn situr í, er á miðju, sem næst kringlótt, um það
að ofan er sterkur hringur úr hvalbeini, sem gengur 4 cm. upp fyrir dekkið
og er um 41 cm. að þvermáli. Ræðarinn situr flötum beinum í bátnum
og er í „stakknum“, sem að ofan getur en það er hólkur saumaður út selskinni,
neðri jaðar hans er reirður fastur utanum hringinn í opinu, en sá efri
undir hendur mannsins sem þannig er fast bundinn við bátinn og svo þétt
að vatn komist hvergi inn. Árin er úr furu, tvíblaða og heldur ræðarinn
um hana miðja, hún er 2 m. að lengd, blaðið er 10,2 cm. að breidd, breiðast
, en mjókkar upp og er ávalt að framan fyrir endann., jaðrar árablaðanna
eru bryddir með hvalbeini, og fremsti hluti blaðsins ( um 8 cm. ) er úr
hvalbeini, er það greypt í og fellt við tréð af miklum hagleik. Ólar
liggja yfir dekkið á nokkrum stöðum, eru þær sumpart til styrktar og sumpart
sem slíður fyrir ár og veiðarfæri, eru þær þræddar í gegnum fallega smíðaða
smákubba úr tönn, og mun það vera bæði til prýðis og styrktar.
Aðrar upplýsingar
Gefandi: Guðmundur Björnsson
Efni
Safnnúmer
Safnnúmer A: Þjfr-38
Stærð
513 x 55 x 17 cm
Lengd: 513 Breidd: 55 Hæð: 17 cm
Aðfangategund
Undirskrár
Undirskrá: Þjóðfræðasafn (Þjfr)
Efnisorð / Heiti
Efnisorð: Kajak