Hurð, af skáp, óþ. hlutv.
1764
Varðveitt hjá
Þjóðminjasafn Íslands
Hurð, skápshurð, "Anno 1764".
Hurðin er máluð í rauðum og bláum lit og sjá má að yfir rauða litinn hefur í það minnsta einu sinni verið málað aftur. Fyrir miðri skáphurðinni er útskorinn hringur og innan hans skorið fangamark, speglað og samofið: GHS. Ofan og neðan við hringinn er skorið Anno 1764. Efst á hurðarspjaldinu má sjá, undir ysta lagi málningarinnar, stafina H og IS, málaða í hornin með hvítum. Fyrir neðan þessa upphafsstafi eru einhverjir aðrir málaðir stafir sem erfitt er að greina. Ég tel nokkuð öruggt að hurðin sé skorin og máluð af Hallgrími Jónssyni, útskurðarmeistara (f. 1717, d. 1785). Skurðurinn er listilega vel gerður og litur málningarinnar samræmist mjög litum á öðrum þekktum máluðum gripum eftir Hallgrím. Máluðu upphafsstafirnir, HIS, styrkja ennfremur þá kenningu. Einn sonur Hallgríms hét Gunnar og var prestur, m.a. á Upsum á Upsaströnd (síðast prestur í Laufási). Á Upsum bjó Hallgrímur hjá syni sínum um árabil. Því er freistandi að ætla að útskornu upphafsstafirnir, GHS, séu fangamark séra Gunnars Hallgrímssonar og Hallgrímur hafi skorið og málað skáp handa syni sínum. (Freyja Hlíðkvist Ómarsdóttir, nóvember 2012).
Aðrar upplýsingar
Ártal
1764
Safnnúmer
Safnnúmer A: Á-8560
Aðfangategund
Undirskrár
Undirskrá: Ásbúðarsafn (Á)
Efnisorð / Heiti
Efnisorð: Hurð, af skáp, óþ. hlutv.