Mortél, við matargerð

Varðveitt hjá

Úr skrá Þorsteins Þ Víglundssonar: "825. Mortél eða steytill úr eirblöndu. Þetta mortél átti hér fyrst frú Johanne Ericsen skipstjórafrú (síðar Johanne Roed). Maður hennar hinn fyrri hét Morten Ericsen og fórst hann hér við sjötta mann á skútu sinni árið 1847. Þetta voru dönsk hjón og frúin ruddi hér brautir í vissum málum. Hún hóf að reka veitingahús eftir að hún missti mann sinn. Um 1850 hóf hún, að rækta hér kartöflur. Sú ræktun var óþekkt áður í Eyjum. Þar ruddi hún hinar markverðustu brautir, því að Eyjabúar létu sér framtak hennar sér að kenningu verða og ræktuðu kartöflur í stórum stíl um árabil. Frú Sigríður Árnadóttir Johnsen, húsfreyja í Frydendal og kaupkona þar um skeið, átti þetta mortél eftir daga hinnar dönsku frúar. Hjónin Sigfús og Jarþrúður Johnsen gáfu Byggðarsafninu grip þennan."

Aðrar upplýsingar

Gefandi: Sigfús M. Johnsen
Skrásetjari: Þorsteinn Þ. Víglundsson
Gefandi: Jarþrúður Pétursdóttir Johnsen
Eigandi: Ane Johanne Frederiksdatter Grüner Eriksen Roed

Safnnúmer

825

Aðfangategund

Munir

Undirskrár

Undirskrá: Minjaskrá Þorsteins Þ. Víglundssonar Undirskrá: Almenn munaskrá

Efnisorð / Heiti

Efnisorð: Mortél, við matargerð

Heimildir

Minjaskrá Byggðarsafns Vestmannaeyja með nokkrum sögulegum skýringum eftir Þorstein Þ Víglundsson.