Kista Þórðar Steinssonar
1850 - 1870
Varðveitt hjá
Þórbergssetur
Kistan mun hafa verið smíðuð í Hólum í Hornafirði en komið að Hala með Benedikt Þorleifssyni. Þórður Steinsson, faðir Þórbergs Þórðarsonar rithöfundar, átti kistuna og stóð hún alltaf við rúmið hans á baðstofuloftinu á Hala. Í kistunni er nú ýmislegt samsafn muna sem ekki voru skráðir sérstaklega. Þar má nefna hagöldur úr horni, sylgjur af hnakkgjörð, lýsiskolu, ullarkamba, smjörfjöl, netanálar, spennistokk, skyttu, mannbrodd með bandi, hurðarkróka, volka, skilvindujárn og hallamál. Ingibjörg Zophoníasardóttir gaf þessa kistu 2006 með þeim munum sem í henni eru. Hún hafði varðveist inn á Hala og var alltaf kölluð litla kistan hans Þórðar.
Aðrar upplýsingar
Eigandi: Þórður Steinsson
Titill
Sérheiti: Kista Þórðar Steinssonar
Ártal
Áætlaður aldur frá: 1850 - 1870
Efni
Safnnúmer
Safnnúmer A: Þ-96
Stærð
35 x 25 x 52 cm
Staður
Jörð/Lóð: Staður: Hali, 781-Höfn í Hornafirði, Sveitarfélagið Hornafjörður
Aðfangategund
Efnisorð / Heiti
Efnisorð: Kista, + hlutv.