Til baka í leit
Veistu meira?

Bikar, sem skrautgripur

2007
Varðveitt hjá
Þjóðminjasafn Íslands
Pókall úr gleri með áletrun. Hæð: 25,4 cm, þvermál skálar: 18 cm, þvermál með höldum: 28 cm, þvermál botns: 11 cm. Pókallinn er úr glæru gleri. Á honum eru tvær höldur þar sem hann er breiðastur. Á pókalnum er límmiði sem slitinn er á einu horninu. Á límmiðanum stendur Glentons Made in Poland, einnig er merki fyrirtækisins sem samandstendu af fjórum hringjum sem tengjast saman. Hringirnir eru í bláum, hvítum og rauðum lit.  Á pókalnum er eftirfarandi áletrun (silfurlit):   ICEBANK   Í tilefni af viðskiptum með 53% hlut í Icebank 5.12.2007 Umsjón: Fyrirtækjaráðgjöf SPRON   SPRON Fyrirtækjaráðgjöf       Upplýsingar frá Álfheiði Ingadóttur (gefanda):   Pókallinn komst í eigu eiginmanns míns sem e.k. brandari á góðra vina fundi á árinu 2010 eða 2011. Eins og sjá má þá er skráð á hann fagnaðarerindið um breytt eignarhald á Sparisjóðabankanum Icebank, sem gekk í gegn 5. desember 2007 eftir langan og strangan aðdraganda. Þennan dag seldu SPRON og Byr mest allan sinn hlut í Icebank og þrír minni sparisjóðir allan sinn hlut. Þar með var aflétt í reynd þeim hömlum sem verið höfðu á eignarhaldi hlutabréfa í Icebank áður Sparisjóðabankinn, sem voru að einungis sparisjóðir mættu eiga hlutina og einkavæðing sparisjóðakerfisins var raungerð þennan dag.   Því miður vitum við ekki hver fékk þennan pókal afhentan í fagnaðarskyni þann 5. desember 2007, en það er greinilega Fyrirtækjaráðgjöf SPRON sem lætur hann af hendi í tilefni þess að 53% hlutur í Icebank var nú kominn í hendur einkaaðila og fjárfesta.   Í skýrslu Rannsóknanefndar Alþingis 31. kafla í 6. bindi  má lesa nánar um aðdraganda þessa og afleiðingar fyrir íslenska fjármálakerfi. Þannig er þessi pókall táknmynd þessa þáttar hrunsins. 

Aðrar upplýsingar

Ártal
2007
Efni
Safnnúmer
Safnnúmer B: 2024-5-2
Stærð
0 x 28 x 25.4 cm Breidd: 28 Hæð: 25.4 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Bikar, sem skrautgripur
Myndefni: Áletrun