Til baka í leit
Veistu meira?

Rúmfjöl

1764
Varðveitt hjá
Þjóðminjasafn Íslands
Rúmfjöl, útskorin beggja vegna. Rúmfjölin er líklega úr furu. Á annarri hlið er kristin áletrun en á hinni hringamynstur. Á framhlið eru skornar út tvær kringlur sem staðsettar eru á sitthvorum enda fjalarinnar. Í kringlunum er útskurður sem samanstendur af höfðaletri og laufvið með blómknöppum. Á milli kringlanna liggur laufviðarstrengur fyrir miðju með laufum og blómknöppum. Þessi skrautbekkur er 6 cm breiður með 8  bugðum. Fyrir neðan og ofan bekkinn er höfðaleturslína. Hringamynstrið á bakhliðinni er myndað úr 15 hringum eða baugum, hver hringur með minni hring fyrir innan. Á efri brún fjalarinnar er á einum stað lítið málmstykki í fjölinni. Brotnað hefur úr efra horni hægra megin á fjölinni. Á framhlið hægra megin þar sem kringlan er staðsett eru hvítir blettir, líklega málning. Á efri brún fyrir miðju hefur aðeins brotnað úr fjölinni og þar er lítið gat líkt og eitthvað hafi verið fest þar.     Vinstri kringla: IHS IHS DI4DE ANNO 1764 FRVS[eða 5]731   Miðkafli: LOF SE I G ÞU ÖND MIN DROTT NE OG ALLT HVAD I MIER ER HAN   Hægri kringla: S HEILAGA NAFNE LOF AMEN   Úr miðkafla og hægri kringlu má lesa: Lof sé í guði þú önd mín drottni og all hvað í mér er hans heilaga nafni lof amen   Höfðaletrið innan kringlunnar er svo væntanlega bss eða hss, þ.e. upphafsstafir þess er skar fjölina eða þess sem átti hana fyrstur.   Upplýsingar frá gefanda:   Rúmfjölina fékk gefandi að gjöf frá ömmu sinni á árabilinu 1960-1965. Amma hennar hét Sigríður Sigurðardóttir (f. 1895, d. 1969), frá Sælingsdalstungu í Dölum. Hún hafði fengið hana að gjöf frá móðursystur sinni sem hét Sigríður Ásgeirsdóttir (f.1857 - d.1893).

Aðrar upplýsingar

Ártal
1764
Efni
Safnnúmer
Safnnúmer B: 2024-73
Stærð
114 x 19.5 x 2.5 cm Lengd: 114 Breidd: 19.5 Hæð: 2.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Rúmfjöl
Myndefni: Áletrun