Gleraugnahulstur
Varðveitt hjá
Byggðasafn Skagfirðinga
Gleraugu og gleraugnahulstur. Hulstrið er 16 cm á lengd, og 6 cm á breidd, um 3 cm að þykkt þar sem það er þykkast. Hulstrið er svart og lokið ljóst, en sennilega hefur það allt verið svart upphaflega, svarta lagið er að flagna frá innra laginu sem er ljóst. Hulstrið er úr pappa. Innan í hulstrið er skrifað með óljósum svörtum stöfum „Björn Ólafsson“.
Gleraugun eru úr plasti, dökkbrún að lit (en liturinn er ekki jafn), með þykku gleri. Á spöngunum stendur „NEOSTYLE Germany 135“ og RIKLES 164“. Gleraugun passa frekar illa í þetta hulstur og sennilega hafa þau ekki fylgt saman í upphafi, en komu saman til safnsins.
Gleraugun átti Björn Ólafsson (1908-1985) bóndi og organisti á Krithóli. Björn var organisti m.a. í Goðdölum, Mælifelli, Reykjum og Glaumbæ, var undirspilari fyrir Karlakórinn Heimi og kirkjukóra í héraðinu.
Gefendur eru Anna Ragnarsdóttir ( 28.3.1952) og Ólafur Björnsson (22.1.1949) á Krithóli.
Aðrar upplýsingar
Efni
Safnnúmer
Safnnúmer A: BSk-5469
Safnnúmer B: 2024-83
Stærð
16 x 6 x 3 cm
Lengd: 16 Breidd: 6 Hæð: 3 cm
Staður
Staður: Krithóll, 560-Varmahlíð, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti
Upprunastaður
65°31'25.0"N 19°26'29.1"W