Panta mynd Notkunarskilmálar

Saumavél

1950 - 1970

Varðveitt hjá

Byggðasafn Skagfirðinga

Saumavél Þóru Rósu Jóhannsdóttur. Saumavélin stendur á viðarfjöl og yfir henni er lok eða kassi. Kassinn er 46,5 cm á lengd, 23 cm á breidd mest og 26 cm á hæð, en undirfjölin er 48 cm, á lengd, 25 cm á breidd og 5 cm á hæð. Þegar kassanum er lyft blasir við fallega máluð saumavél, af gerðinni „JUNO“, stafirnir VS III standa einnig á vélinni. Hólf er hægra megin við vélina og í því eru geymdar nálar og alls kyns aukahlutir fyrir saumavélina, s.s. lítið skrúfjárn, auka fætur o.fl. Vélinni fylgir einnig mótor og fótstig. Saumavélin hefur einhvern tímann verið handsnúin, sveifin fylgir, og verið síðar breytt í rafmagnsvél. Vélina átti Þóra Rósa Jóhannsdóttir, verslunarkona á Sauðárkróki. Hún er komin til safnsins 29.2.2024 frá Heiðbjörtu Kristmundsdóttur á Sjávarborg. Þóra bjó um tíma á Sjávarborg og var mikill heimilisvinur þar.