Til baka í leit
Veistu meira?

Veggplatti

1955 - 1980
Varðveitt hjá
Þjóðminjasafn Íslands
Veggplatti Ísland. Veggplatti, lítill, úr brenndum leir, ferhyrningslaga með rúnuðum hornnum og lagi grunnrar skálar. Framan á plattanum er sveitamynd með fjalli, burstabæ, tveimur kindum og girðingarbút. Aftan á plattann er þrykkt merki Funa (teikning af sólarupprás og textinn: Funi Ísland). Aftan á plattanum er gat sem búið er að þræða vír í. Hæð: 16 cm, dýpt: 1,5 cm, breidd 5 cm.   Leirmunaverkstæðið Funi hóf starfsemi árið 1946. Það var stofnað af fjórum lærðum leirkerasmiðum sem höfðu verið í námi í Listvinahúsinu, þeim Baldri Ásgeirssyni, Björgvini Kristóferssyni, Hauki Kristóferssyni og Ragnari Kjartanssyni. Auk nytjavöru og listmuna voru einnig framleiddir í Funa minjagripir fyrir ferðamenn. Breytingar á eignarhaldi Funa urðu árið 1957 þegar Ragnar seldi sinn hlut í fyrirtækinu og bræðurnir Björgvin og Haukur Kristóferssynir ákváðu að reka verkstæðið áfram. Framleiðslan hjá þeim var á tímabili bæði umfangsmikil og fjölbreytt. Þeir hófu að nota danskan leir um 1970 og unnu meðal annars með hraun til skreytingar á leirmunum. Þeir ráku Funa allt fram til 1980 þegar þeir ákváðu að snúa sér að léttari störfum.   Leirmuninn átti Emma Christence Benediktsson (fædd Reerslev árið 1928). Hún geymdi alltaf lykil í honum að skenk/skáp þar sem hún geymdi spariglösin sín. Skenkurinn var hluti af innbyggðum hillum í skilrúmi í íbúðinni hjá henni. Þjóðminjasafnið tók við fleiri íslenskum leirgripum úr hennar eigu til varðveislu og eru þeir allir skráðir undir númerinu Þjms. 2024-69.  

Aðrar upplýsingar

Funi hf., Hlutinn gerði
Emma Benediktsson, Notandi
Gefandi: Emma Benediktsson
Gefandi: Stefanía Sæmundsdóttir
Ártal
1955 - 1980
Efni
Safnnúmer
Safnnúmer B: 2024-69-7
Aðfangategund
Undirskrár
Undirskrá: Munasafn
Efnisorð / Heiti
Efnisorð: Veggplatti
Myndefni: Girðing, f. skepnur
Myndefni: Kind
Myndefni: Burstabær
Myndefni: Fjall
Heimildir
Inga Ragnarsdóttir & Kristín G. Guðnadóttir. (2021). Deiglumór : Keramik úr íslenskum leir 1930-1970. Minningarsjóður um Ragnar Kjartansson.