Skál, til skrauts
1981
Varðveitt hjá
Þjóðminjasafn Íslands
Brún skál með hraunáferð og merki Ferðafélags Íslands. Á innri barmi skálarinnar er hraunáferð mótuð í leirinn og lituð með hvítum og rauðum glerungi. Aðeins hefur brotnað upp úr hraunáferðinni á nokkrum stöðum. Á miðri skálinni er merki Ferðafélags Íslands mótað í leirinn og þar stendur Göngudagur FÍ 1981 með upphleyptum stöfum. Glerungurinn er brotinn á nokkrum stöðum á bókstöfunum. Meðfram miðjunni má sjá á tveimur stöðum leifar af vaxi. Á skálinni utanverðri eru sprungur í glerungnum. Neðan á skálinni hefur glerungurinn aðeins brotnað meðfram kantinum en þar er eftirfarandi merking: Iceland SA Handmade. Stærð: Hæð 4 cm, þvermál: 16,2 cm, þvermál um botn 10,5 cm.
Merki Ferðafélags Íslands var hannað af Gunnari Hjaltasyni (f. 1920, d. 1999) og sýnir mynd af vörðu.
Merkingin neðan á skálinni bendir til þess að hún sé gerð af Sigurði Arnórssyni en hann rak leirkeraverkstæði í bakhúsi við heimili sitt að Heiðargerði 47 sem hét S.A. keramik. Hann framleiddi meðal annars muni sem voru hraunaðir að hluta og síðan málaðir með sterkum litum sem minna á logandi hraun eins og sjá má á skálinni. Sigurður vann um árabil einn við leirkeragerð á verkstæðinu en sonur hans Kristinn vann með honum um tíma. S.A. keramik hætti starfsemi árið 1987.
Skálina átti Emma Christence Benediktsson (fædd Reerslev árið 1928). Þjóðminjasafnið tók við fleiri íslenskum leirgripum úr hennar eigu til varðveislu og eru þeir allir skráðir undir númerinu Þjms. 2024-69. Samkvæmt gefanda þá notaði Emma skálina lengi vel undir kertastjaka til að varna því að vax myndi leka á borðið.
Aðrar upplýsingar
Sigurður H Arnórsson, Hlutinn gerði
SA keramik, Hlutinn gerði
Emma Benediktsson, Notandi
Gefandi: Emma Benediktsson
Gefandi: Stefanía Sæmundsdóttir
SA keramik, Hlutinn gerði
Emma Benediktsson, Notandi
Gefandi: Emma Benediktsson
Gefandi: Stefanía Sæmundsdóttir
Ártal
1981
Efni
Safnnúmer
Safnnúmer B: 2024-69-3
Aðfangategund
Undirskrár
Undirskrá: Munasafn
Efnisorð / Heiti
Heimildir
Inga Ragnarsdóttir & Kristín G. Guðnadóttir. (2021). Deiglumór : Keramik úr íslenskum leir 1930-1970. Minningarsjóður um Ragnar Kjartansson.