Til baka í leit
Veistu meira?

Skál, til skrauts

1960 - 1980
Varðveitt hjá
Þjóðminjasafn Íslands
Skál á fæti með hraunáferð. Á utanverðri skálinni er hraunmulningur með brúnum og appelsínugulum glerungi. Ofan í skálinni er appelsínugulur glerungur en að öðru leyti er skálin brún að lit. Neðan á skálina er þrykkt merki Funa (teikning af sólarupprás og texti: Funi Ísland)  og texinn Handmade in Iceland. Skálin er í góðu ásigkomulagi. Hæð 13,5 cm, þvm. 20 cm.     Leirmunaverkstæðið Funi hóf starfsemi í Reykjavík árið 1946. Stofnendur þess voru fjórir fullnema leirkerasmiðir sem höfðu lært í Listvinahúsinu. Breytingar urðu á eignarhaldinu árið 1957 en þá seldi Ragnar Kjartansson einn stofnendanna sinn hlut í fyrirtækinu og bræðurnir Björgvin og Haukur Kristóferssynir ákváðu að reka verkstæðið áfram. Framleiðslan hjá þeim var á tímabili bæði umfangsmikil og fjölbreytt. Þeir hófu að nota danskan leir um 1970 og unnu meðal annars með hraun til skreytingar á leirmunum. Líklegt er að þessi skál sé frá þessu tímabili. Þeir ráku Funa allt fram til 1980 þegar þeir ákváðu að snúa sér að léttari störfum.   Skálina átti Emma Christence Benediktsson (fædd Reerslev árið 1928). Þjóðminjasafnið fékk til varðveislu fleiri íslenska leirgripi úr hennar eigu og eru þeir allir skráðir undir númerinu Þjms. 2024-69.

Aðrar upplýsingar

Funi hf., Hlutinn gerði
Emma Benediktsson, Notandi
Gefandi: Emma Benediktsson
Gefandi: Stefanía Sæmundsdóttir
Ártal
1960 - 1980
Efni
Safnnúmer
Safnnúmer B: 2024-69-2
Aðfangategund
Undirskrár
Undirskrá: Munasafn
Efnisorð / Heiti
Heimildir
Inga Ragnarsdóttir & Kristín G. Guðnadóttir. (2021). Deiglumór : Keramik úr íslenskum leir 1930-1970. Minningarsjóður um Ragnar Kjartansson.