Úrklippubók
Varðveitt hjá
Minjasafnið á Akureyri
Úrklippubók sem Ingólfur, faðir Ragnhildar gefanda, fékk í verðlaun í sunnudagaskólanum. Sá sunnudagaskóli var haldinn í húsinu Sjónarhæð og frá því húsi kemur nafnið á trúfélaginu Sjónarhæðasöfnuðurinn.
Sjónarhæðarsöfnuðurinn er skráð trúfélag. Söfnuðurinn er kenndur við húsið Sjónarhæð eða Hafnarstræti 63 á Akureyri. Það hús reisti enski trúboðinn Frederic Harry Jones árið 1901 en hann stofnaði söfnuðinn. Söfnuðurinn var runninn frá Bretlandi og skírðust meðlimir í niðurdýfingarskírn. Árið 1905 tók trúboðinn Arthur Gook við söfnuðinum og stýrði honum lengi.
Bókin er stór og mikil, þykk spjöld í kápunni sem er svört og á henni stendur The Acorn. Series. Private Greeting Cards, og mynd af rauðklæddum manni á hvítum hesti. Gylling. Bókin er illa farin en þó heil. Einungis tvær síður eru lausar en annars helst hún saman og myndirnar sem eru límdar í bókina eru enn mjög fastar. Kjölurinn er þó orðinn mjög tættur og límið orðið klístrað, eins sést í blöð með texta sem hafa verið notuð við að binda bókina inn, textinn er á ensku. 22 opnur eru í bókinni og eru þær allar mjög snyrtilegar. Bókina prýða ýmsar úrklippur stórar og smáar, myndir af fólki, virðist vera úr blöðum, límmiðar með smámyndum og kort.
Aðrar upplýsingar
Safnnúmer
Safnnúmer B: 2023-69
Stærð
32 x 22 x 6 cm
Lengd: 32 Breidd: 22 Hæð: 6 cm
Staður
Staður: Aðalstræti 76, 600-Akureyri, Akureyrarbær
Aðfangategund
Undirskrár
Undirskrá: Munaskrá - MSA
Efnisorð / Heiti
Efnisorð: Úrklippubók
Upprunastaður
65°39'54.0"N 18°5'6.7"W