Til baka í leit
Veistu meira?

Nálhús

1900 - 1950
Varðveitt hjá
Þjóðminjasafn Íslands
Nálhús úr renndum, dökkleitum viði. Á hvorum enda þess er málmur, annar þeirra er lok nálhússins og skrúfast af hólknum. Bókstafurinn G er skorinn í málmlokið, en ekki er víst fyrir hvað stafurinn stendur. Málmurinn er líklega blý. Nálhúsið er 7,2 cm að lengd og 1,8 cm að þvermáli þar sem það er breiðast. Í nálhúsinu eru tvær skónálar. Önnur þeirra er eilítið bogin við nálaraugað. Nálarnar eru misstórar. Sú minni er 4,4 cm að lengd, mesta breidd hennar er 0,4 cm. Sú stærri er 4,6 cm að lengd, mesta breidd hennar er 0,5 cm. Gefendur eru systurnar Margrét Birna (f. 1955) og Erla Björg (f. 1957) Skúladætur. Nálhúsið kom úr íbúð foreldra þeirra, Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021). Skúli var verkfræðingur og lærði bæði og starfaði um tíma í Danmörku. Aðalbjörg var framhaldsskólakennari, með M.A. í dönsku. Ekki liggja fyrir frekari upplýsingar um uppruna nálhússins, en það er sennilega frá fyrri hluta 20. aldar. Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24. Þar á meðal er saumakassi sem í eru m.a. pren og heklunálar (Þjms. 2021-24-12). Samskonar nálhús er varðveitt í Þjóðminjasafninu (Þjms. 1965-46). Í því er einnig skónál.

Aðrar upplýsingar

Ártal
1900 - 1950
Efni
Safnnúmer
Safnnúmer B: 2021-24-13
Stærð
7.2 x 1.8 cm Lengd: 7.2 Breidd: 1.8 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Nálhús