Svipa
1870 - 1920
Varðveitt hjá
Þjóðminjasafn Íslands
Kvensvipa með leðuról. Ólin er 70 cm að lengd. Skaftið er úr dökkum viði, 31 cm að lengd. Samfelld lengd svipunnar er 101 cm. Silfurlitaðir málmhólkar með greyptu mynstri eru á hvorum enda skaftsins og í miðju þess. Svipuhólkarnir eru sennilega úr nýsilfri, en gætu einnig verið úr silfri. Á enda skaftsins er húnn og í hann er nafnið Aðalbjörg grafið. Húnninn er 2,8 cm að þvermáli.
Svipan var í eigu Aðalbjargar Jónsdóttur (f. 1860, d. 1922), húsfreyju á Arngerðareyri við Ísafjarðardjúp. Aðalbjörg var dóttir Jóns Björnssonar (f. 1824, d. 1885) bónda í Miðhúsum í Skagafirði og Þrúðar Jónsdóttur (f. 1821, d. 1906) húsfreyju. Fyrri maður Aðalbjargar var Jochum Magnússon (f. 1859, d. 1890) verslunarstjóri og eignuðust þau Magnús (f. 1889, d. 1973) og Sigríði (f. 1890, d. 1967). Seinni maður Aðalbjargar var Ásgeir Guðmundsson (f. 1849, d. 1914) bóndi, hreppstjóri og dannebrogsmaður á Arngerðareyri. Ásgeir og Aðalbjörg giftust 20. febrúar 1897. Þeirra börn voru Margrét (f. 1898) , Jochum (f. 1901), Jón Guðmundur (f. 1902) og Geirþrúður Jóhanna (f. 1904). Fyrir átti Ásgeir þá Bjarna (f. 1873, d. 1940) og Ásgeir (f. 1878, d. 1956) með fyrri konu sinni, Margréti Jónsdóttur (f. 1841, d. 1894).
Gefendur eru systurnar Margrét Birna (f. 1955) og Erla Björg (f. 1957) Skúladætur. Svipan var í íbúð foreldra gefenda, verkfræðingsins Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021) framhaldsskólakennara. Aðalbjörg Jónsdóttir var móðuramma Aðalbjargar Björnsdóttur. Svipan er sennilega frá síðari hluta 19. aldar eða fyrri hluta þeirrar 20.
Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24. Þar á meðal var svipa (Þjms. 2021-24-9).
Aðrar upplýsingar
Ártal
1870 - 1920
Efni
Safnnúmer
Safnnúmer B: 2021-24-10
Stærð
101 x 2.8 cm
Lengd: 101 Breidd: 2.8 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Svipa
Heimildir
Ásgeir Guðmundsson á Arngerðareyri. (1914). Vestri, 13(35), bls. 136. Sótt af: https://timarit.is/page/2338075
Margrét Ásgeirsdóttir. (1988, 26. apríl). Dagblaðið Vísir, bls. 35. Sótt af: https://timarit.is/page/2543178