Til baka í leit
Veistu meira?

Barnahringla

1850 - 1950
Varðveitt hjá
Þjóðminjasafn Íslands
Barnahringla úr silfri. Víða glyttir í gyllingu og hefur hringlan líklega verið gullhúðuð upphaflega. Hringlan hangir á svörtum hring, líklega úr plasti. Hringlan er tígullaga, bjallan er um 4,2 cm að lengd og 4,1 cm að þvermáli þar sem hún er breiðust. Samfelld lengd hringlunnar með svarta hringnum er 8,5 cm. Gefendur eru systurnar Margrét Birna (f. 1955) og Erla Björg (f. 1957) Skúladætur. Barnahringlan kom úr íbúð foreldra þeirra, Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021). Skúli var verkfræðingur og lærði bæði og starfaði um tíma í Danmörku. Aðalbjörg var framhaldsskólakennari, með M.A. í dönsku. Ekki liggja fyrir frekari upplýsingar um uppruna hringlunnar, en hún gæti verið frá síðari hluta 19. aldar eða fyrri hluta þeirrar 20. Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24.

Aðrar upplýsingar

Ártal
1850 - 1950
Efni
Safnnúmer
Safnnúmer B: 2021-24-8
Stærð
8.5 x 4.1 cm Lengd: 8.5 Breidd: 4.1 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Barnahringla