Burstasett, skráð e. hlutv.

1850 - 1950

Varðveitt hjá

Þrír förðunarburstar í stíl. Burstasettið samanstendur af þremur burstum af ólíkri gerð og stærð, þ.e. sennilega fyrir púður, augnskugga og varalit. Sá stærsti er 17 cm að lengd, sá í miðjunni 13,5 cm að lengd en sá minnsti 13,3 cm að lengd. Handföng þeirra eru úr málmi, líklega silfri eða silfurpletti. Þau eru skreytt upphleyptu blómamynstri. Í enda handfanganna, þar sem þau eru breiðust, eru sporöskjulaga fletir hvorum megin. Gefendur eru systurnar Margrét Birna (f. 1955) og Erla Björg (f. 1957) Skúladætur. Burstasettið kom úr íbúð foreldra þeirra, Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021). Skúli var verkfræðingur og lærði bæði og starfaði um tíma í Danmörku. Aðalbjörg var framhaldsskólakennari, með M.A. í dönsku. Ekki liggja fyrir frekari upplýsingar um uppruna burstasettsins, en það gæti verið frá síðari hluta 19. aldar eða fyrri hluta þeirrar 20. Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24. Á meðal gripanna er snyrtisett (Þjms. 2021-24-5) og spegill (Þjms. 2021-24-6).

Aðrar upplýsingar

Skúli Guðmundsson, Notandi
Gefandi: Erla Björg Skúladóttir
Gefandi: Margrét Birna Skúladóttir
Aðalbjörg Björnsdóttir, Notandi

Ártal

1850 - 1950

Efni

Ólífræn efni, Málmur

Safnnúmer

Safnnúmer B: 2021-24-7

Aðfangategund

Munir

Undirskrár

Undirskrá: Munasafn

Efnisorð / Heiti

Efnisorð: Burstasett, skráð e. hlutv.

Heimildir

Skúli Guðmundsson. (2002, 27. janúar). Morgunblaðið, bls. 31. Sótt af: https://timarit.is/page/3432080