Til baka í leit
Veistu meira?

Handspegill

1850 - 1950
Varðveitt hjá
Þjóðminjasafn Íslands
Handspegill og hárbursti í stíl. Spegillinn er hringlaga, 12 cm að þvermáli. Lengd hans með handfanginu er 27 cm. Hárburstinn er sporöskjulaga, 7 cm að breidd og 24 cm að lengd með handfanginu. Spegillinn og burstinn eru úr léttum málmi. Handföngin eru skreytt upphleyptum blómum. Upphleypt mynd er á bakhlið þeirra. Myndin sýnir fimm manns með ölkrúsir og -könnur, sitja og standa við borð. Fyrir framan þau stendur maður og spilar á fiðlu, hundur er við fætur hans. Bakgrunnur myndarinnar er nokkuð skýrari á burstanum, þar sést tré og hús í baksýn, auk þess sem annar maður stendur til hliðar við fiðluleikarann. Gefendur eru systurnar Margrét Birna (f. 1955) og Erla Björg (f. 1957) Skúladætur. Snyrtisettið kom úr íbúð foreldra þeirra, Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021). Skúli var verkfræðingur og lærði bæði og starfaði um tíma í Danmörku. Aðalbjörg var framhaldsskólakennari, með M.A. í dönsku. Ekki liggja fyrir frekari upplýsingar um uppruna snyrtisettsins, en það gæti verið frá síðari hluta 19. aldar eða fyrri hluta þeirrar 20. Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24. Á meðal gripanna er spegill (Þjms. 2021-24-6) og burstasett (Þjms. 2021-24-7) til förðunar.

Aðrar upplýsingar

Ártal
1850 - 1950
Efni
Safnnúmer
Safnnúmer B: 2021-24-5
Aðfangategund
Undirskrár
Undirskrá: Munasafn
Efnisorð / Heiti
Efnisorð: Handspegill
Efnisorð: Hárbursti
Heimildir
Skúli Guðmundsson. (2002, 27. janúar). Morgunblaðið, bls. 31. Sótt af: https://timarit.is/page/3432080