Til baka í leit
Veistu meira?

Kökujárn, úr brauðgerðarhúsi

1920 - 1970
Varðveitt hjá
Þjóðminjasafn Íslands
Kökujárn úr pottjárni, til að nota á eldavélahellu. Einnig kallað góðráðajárn (gorojern á norsku, god råd jern á dönsku). Kökujárnið er notað til að baka þunnar, norskar kökur sem kallast goro eða góðráð. Járnið bakar þrjár vöfflur skreyttar laufamynstri. Bökunarplöturnar eru ferkantaðar, 17,5 x 11 cm að stærð. Höldur ganga úr plötunum, um 22 cm að lengd. Á endum þeirra, utan um járnið, eru rauðbrúnar og stífar plötur sem líkjast leðri. Samfelld lengd góðráðajárnsins er 44 cm. Járnið er norsk framleiðsla, merkt Jötul. Árið 1916 keypti Herman Anker málmsteypuna Kværner Jernstøberi sem hafði verið starfrækt frá árinu 1853. Upp frá því varð vörumerkið Jøtul til. Kökujárnið er sennilega frá miðbiki 20. aldar. Gefendur eru systurnar Margrét Birna (f. 1955) og Erla Björg (f. 1957) Skúladætur. Vöfflujárnið kom úr íbúð foreldra þeirra, Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021). Skúli var verkfræðingur og lærði bæði og starfaði um tíma í Danmörku. Aðalbjörg var framhaldsskólakennari, með M.A. í dönsku. Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24. Á meðal gripanna eru vöfflujárn (Þjms. 2021-24-1) og kramarhúsajárn (2021-24-2).

Aðrar upplýsingar

Ártal
1920 - 1970
Efni
Safnnúmer
Safnnúmer B: 2021-24-3
Stærð
0 x 11 cm Breidd: 11 cm
Aðfangategund
Undirskrár
Undirskrá: Munasafn
Efnisorð / Heiti
Heimildir
A 165 year long Norwegian adventure. Jøtul. Sótt af: https://www.jotul.com/press-release/165-year-long-norwegian-adventure Cast iron waffle makers from Norway. (2016, 24. janúar). Soilevuo art&crafts. Sótt af: https://soilevuo.wordpress.com/2016/01/24/cast-iron-waffle-pan/ Skúli Guðmundsson. (2002, 27. janúar). Morgunblaðið, bls. 31. Sótt af: https://timarit.is/page/3432080