Til baka í leit
Veistu meira?

Kramarhúsajárn

1920 - 1970
Varðveitt hjá
Þjóðminjasafn Íslands
Kramarhúsajárn úr pottjárni, til að nota á eldavélahellu. Bökunarplöturnar eru hringlaga, 14,5 cm að þvermáli. Höldur ganga úr plötunum, um 23 cm að lengd. Á endum þeirra, utan um járnið, eru rauðbrúnar og stífar plötur sem líkjast leðri. Mynstrið er fagurt jurtaskreyti sem myndar hjarta fyrir miðju. Mynstrið kallast "Østerdalsmønster", sem vísar í Østerdalen í austur Noregi. Samfelld lengd kramarhúsajárnsins er 42 cm. Kramarhúsajárn voru notuð til að baka norskar vöfflur sem kallast krumkake, en þeim er rúllað upp á meðan þær eru enn heitar svo þær mynda kramarhús. Járnið er norsk framleiðsla, merkt Jötul. Árið 1916 keypti Herman Anker málmsteypuna Kværner Jernstøberi sem hafði verið starfrækt frá árinu 1853. Upp frá því varð vörumerkið Jøtul til. Kramarhúsajárnið er sennilega frá miðbiki 20. aldar. Gefendur eru systurnar Margrét Birna (f. 1955) og Erla Björg (f. 1957) Skúladætur. Vöfflujárnið kom úr íbúð foreldra þeirra, Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021). Skúli var verkfræðingur og lærði bæði og starfaði um tíma í Danmörku. Aðalbjörg var framhaldsskólakennari, með M.A. í dönsku. Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24. Á meðal gripanna eru vöfflujárn (Þjms. 2021-24-1) og kökujárn (2021-24-3).

Aðrar upplýsingar

Ártal
1920 - 1970
Efni
Safnnúmer
Safnnúmer B: 2021-24-2
Stærð
42 x 14.5 cm Lengd: 42 Breidd: 14.5 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Kramarhúsajárn
Heimildir
A 165 year long Norwegian adventure. Jøtul. Sótt af: https://www.jotul.com/press-release/165-year-long-norwegian-adventure Cast iron waffle makers from Norway. (2016, 24. janúar). Soilevuo art&crafts. Sótt af: https://soilevuo.wordpress.com/2016/01/24/cast-iron-waffle-pan/ Skúli Guðmundsson. (2002, 27. janúar). Morgunblaðið, bls. 31. Sótt af: https://timarit.is/page/3432080