Til baka í leit
Veistu meira?

Vöfflujárn

1920 - 1975
Varðveitt hjá
Þjóðminjasafn Íslands
Vöfflujárn til að nota á eldavélahellu. Járnið er úr silfurlituðum málmi en hefur mögulega verið svart að lit upprunalega. Það gæti einnig hafa orðið svart af notkun. Langar og mjódregnar höldur ganga úr hvorri bökunarplötu og mynda lykkjur í endana. Vöfflumynstrið eru fimm lauf. Vöfflujárnið er hringlaga, þvermál þess er 17 cm. Haldið er 20 cm, samfelld lengd járnsins er 38,5 cm.  Járnið er norsk framleiðsla, merkt Høyang. Vörumerkið var í notkun frá 1920 til 1975 þegar fyrirtækið sameinaðist Polaris og hóf framleiðslu undir vörumerkinu Høyang-Polaris. Fyrirtækið framleiddi eldhúsbúnað úr ýmsum málmtegundum. Vöfflujárnið er því frá miðbiki 20. aldar, eða því tímabili sem vörumerkið Høyang var í notkun. Gefendur eru systurnar Margrét Birna (f. 1955) og Erla Björg (f. 1957) Skúladætur. Vöfflujárnið kom úr íbúð foreldra þeirra, Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021). Skúli var verkfræðingur og lærði bæði og starfaði um tíma í Danmörku. Aðalbjörg var framhaldsskólakennari, með M.A. í dönsku. Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24. Á meðal gripanna eru kramarhúsajárn (Þjms. 2021-24-2) og kökujárn (2021-24-3).

Aðrar upplýsingar

Ártal
1920 - 1975
Efni
Safnnúmer
Safnnúmer B: 2021-24-1
Stærð
38.5 x 17 cm Lengd: 38.5 Breidd: 17 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Vöfflujárn
Heimildir
Hilde Woxen Stormark og Robin Antonsen. (2023, 22. janúar). Høyang-Polaris. Store Norske Leksikon. Sótt af: https://snl.no/H%C3%B8yang-Polaris Skúli Guðmundsson. (2002, 27. janúar). Morgunblaðið, bls. 31. Sótt af: https://timarit.is/page/3432080