Til baka í leit
Veistu meira?

Ennisspöng

Varðveitt hjá
Minjasafn Austurlands
Ennisspöng og stökkabelti sem fylgja með grænum kyrtli (MA-1983-1-1). Stokkabelti. Gyllt með 12 stokkum sem hver er 5,5 x 2,5 cm og hringlaga spennu sem er 5 cm í þvermál. Víravirki. Tvær litlar málmkúlur eru á hverjum stokki og fjórar á spennunni (hluti af munstrinu). Ennisspöng (koffur) Gyllt. Lengd 45 cm og mesta breidd 44 cm. Lauf og blómsveigar grafnir í spöngina með einhvers konar sporjárni. Munsturbekkur neðst.   Stokkabeltið og ennisspöngina smíðaði Sigurður Guðmundsson, bóndi á Þorvaldsstöðum í Breiðdal handa konu sinni Björgu Stígsdóttur. Björg gaf síðar Þorvaldi Stefánssyni, systursyni sínum beltið og spöngina. Þorvaldur var giftur Guðríði Guðmundsdóttur. Þau hófu búskap á Þorgerðarstöðum í Fljótsdal 1904 en fluttu að Arnaldsstöðum tveimur árum síðar þar sem þau bjuggu þar til þau brugðu búi 1919. Eftir það bjuggu þau m.a. á Skriðuklaustri og síðast á Reyðarfirði. Unnur, dóttir þeirra hjóna, fékk beltið og spöngina í fermingargjöf en hún lést fyrir tvítugt. Þorvaldur afhenti Láru Jónasdóttur gripina áður en hann fór á dvalarheimili í Hafnarfirði en Guðríður kona Þorvaldar var móðursystir Láru. Lára notaði gripina við græna kyrtilinn. Með afhendingunni fylgdi mynd af Þorvaldi og Björgu þar sem Björg ber beltið. Myndin er varðveitt á Héraðsskjalasafni Austfirðinga, sjá hér.

Aðrar upplýsingar

Efni
Safnnúmer
Safnnúmer A: MA Safnnúmer B: 1985-1-2
Staður
Staður: Arnaldsstaðir, 701-Egilsstöðum, Fljótsdalshreppur
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Ennisspöng
Efnisorð: Stokkabelti

Upprunastaður

64°57'37.0"N 15°1'27.4"W