Philips 2601 Útvarpsskápur

1930
Varðveitt hjá
Byggðasafnið Skógum
Útvarpstæki, tegund: Philips 2601.  Fyrstu tæki af þessari gerð komu á markað árið 1927, þá án hátalara með heitinu 2501. Bæði var hægt að fá lausan hátalara sem heyrðist frekar lágt hljóð í, en annars voru notuð heyrnatól. Síðar komu lausir einna lampa magnarar fyrir hátalarana. Tækið þróaðist fram yfir 1933 með ýmsum nýjungum s.s.meiri næmleika og gerð bæði fyrir riðspennu og rafhlöður. Þetta tæki er sambyggt tæki í skáp með spennugjafa fyrir spennustillingar frá 111v. til 240 volt Ac. Það er með lang- og miðbylgju . Stór hljóðmagnari er í skápnum sem hefur gefið talsvert meiri tóngæði en önnur tæki á þessum tíma. Tækið hefur sennilega verið flutt inn af sjómanni eða komið með búslóð erlendis frá, því Viðtækjaverslun Ríkisins flutti aðeins inn Philips 2607. Það tæki er mjög svipað þessu nema spennubreytirinn er aðeins fyrir 110v. eða  240volt. Sagan á bak við hönnun þessa sambyggða tækis: Maður nokkur að nafni L. Kalff  smíðaði skáp sem líktist bók í útliti og kom fyrir öllum búnaðinum sem áður var í lausum einingum, útvarpið, magnarinn, spennugjafinn og hátalarinn. Öll víraflækjan sem því fylgdi pirraði konu hans. Stjórnendur Philips í Hollandi gripu hugmyndina á lofti og fóru að framleiða skápa bæði úr járni með áferð eins og bókakápa og úr Mahony. Ári síðar vaknaði sú hugmynd að setja plötuspilara í svona skápa þannig að um tíma var hægt að fá bæði útvarp í sérskáp og grammafónskáp eins og hann kallaður á þeim tíma. Það var svo 1932 sem Philips selur sambyggt útvarp og plötuspilara sem kallaður var „Radiofónn“.  Hér á landi kostaði svona útvarpskápur árið 1931 kr. 640.-  Sambyggða tækið með útvarpi og plötuspilara  fékkst hér á landi ári síðar og kostaði  þá kr.1150.-  Verkamaður hafði í laun á mánuði kr.160,- á þessum árum.

Aðrar upplýsingar

Titill
Sérheiti: Philips 2601 Útvarpsskápur
Ártal
1930
Safnnúmer
Safnnúmer A: SHR-209
Stærð
53 x 28 x 81 cm 40 kg Lengd: 53 Breidd: 28 Hæð: 81 cm
Aðfangategund
Undirskrár
Undirskrá: Samgöngusafnið Undirskrá: Fjarskiptasafn Sigurðar Harðarsonar
Efnisorð / Heiti
Efnisorð: Útvarp