Ljósmyndavél
1956
Varðveitt hjá
Sagnheimar
Júlíus P. Guðjónsson bróðursonur Svövu Guðjónsdóttur eiginkonu Oddgeirs segir svo frá 28. okt 2011.“Ég kom heim til Íslands frá Bandaríkjunum 1955 og fór að vinna á hjá Bandaríska hernum á Keflavíkur flugvelli. Þar gafst tækifæri til að kaupa eitt og annað.Vorið 1956 var ákveðið að ég færi fljótlega aftur til Bandaríkjanna. Ég fór til Eyja að heimsækja ættingja mína og kveðja þá í leiðinni áður en ég héldi utan. Á þessum dögum fór ég í langa gönguferð um Herjólfsdal og víðar með Oddgeiri og Hildi dóttur hans og tók margar myndir. Við Oddgeir ræddum mikið um ljósmyndun og hann varð mjög spenntur fyrir því að eignast sjálfur vél og taka myndir. Ég bauðst þá til að kaupa fyrir hann vél ef færi væri á. Það varð úr að ég keypti þýska Voigtländer vél fyrir Oddgeir í maí 1956 og kom henni til Oddgeirs. Hann hóf þegar að mynda með henni. Þetta var vél með 60x90mm filmu sem gaf fínar myndir en hún var ekki til þess gerð að taka slides myndir.”
Afkomendur Oddgeirs færðu safninu þennan mun.
Aðrar upplýsingar
Ártal
1956
Safnnúmer
Safnnúmer B: 2023-20-11
Staður
Núverandi sveitarfélag: Vestmannaeyjabær, Vestmannaeyjabær
Aðfangategund
Undirskrár
Undirskrá: Almenn munaskrá
Efnisorð / Heiti
Heimildir
Það er alfarið Svövu Guðjónsdóttur konu Oddgeirs að þakka að hljóðfæri hans hafa varðveist til þessa dags. Hún gætti vel að því að láta þau aldrei frá sér. Þegar hún féll frá tók Hildur dóttir þeirra hjóna að sér að varðveita þau.