Skráningarmyndavél, + hlutv.

1960 - 1970

Varðveitt hjá

Skráningarmyndavél úr járni, lökkuð grá með hömruðu lakki. Vélin er af tegundinni "REGISCOPE". Á vélinni stendur "MFD. IN U.S.A. BY FHOTOSCOPE CORP. CHICAGO, ILLINOIS, DISTRIBUTED BY REGISCOPE CORP. OF AMERIKA, NEW YORK, NEW YORK." "MOD. NO. L, SER. NO. 16103". Tengdur við vélina er fótstigin rofi sem ýtt var á til að smella af. Þessi vél var notuð til skrásetningar á útlánum Amtsbókasafnsins á Akureyri.Skráningarmyndavélin tók mynd af hverju útlánaskírteini ásamt upplýsingum sem prentaðar voru á vasa sem límdur var innan á bakspjald hverrar bókar og þessar upplýsingar geymdar á 16 mm. kvikmyndafilmu. Síðan þurfti að láta framkalla filmunar og var það gert í Ameríku. Þegar spólan kom úr framköllun þurfti að lesa hana í sérstakri lesvél, svipaðri þeim sem notaðar eru til að skoða microfilmur (enn í notkun 1997). Vélinni fylgir lítill kassi úr harðviði sem var notaður undir útlánamiða sem settur voru í sérstakan vasa sem var innan á bakspjaldi hverrar bókar. Aftan á þá miða var stimplaður skiladagur bókarinnar. Fjórar óáteknar kvikmyndaspólur í pappakassa fylgja vélinni. Vélin var í notkun til 1.okt. 1996 er útlánadeild safnsins var tölvuvædd.